"Ата керээзи" тасмасы кайрадан Индиядагы фестивалдын баш байгесин жеңип алды

© Фото / Vishendra SinghМеждународный кинофестиваль Бенгалуру, выигравший гран при Best Asian Film
Международный кинофестиваль Бенгалуру, выигравший гран при Best Asian Film - Sputnik Кыргызстан
Жазылуу
Буга чейин аталган тасма Бангалор шаарындагы эл аралык кинофестивалда да башкы орунду багындырган.

БИШКЕК, 27-фев. — Sputnik. Индияда өткөн Ботхисаттва эл аралык кинофестивалында Кыргызстандын атынан катышкан "Ата керээзи" тасмасы баш байгени жеңип алды. Бул тууралуу аталган тасманын режиссерлорунун бири Дастан Жапар уулу билдирди.

Бул аталган тасманын Индиядан экинчи ирет алган баш байгеси. Буга чейин аталган тасма Бангалор шаарындагы эл аралык кинофестивалда да башкы орунду багындырган.

"Биз ушуну менен бир айдын ичинде Индиядагы эки эл аралык фестивалдын баш байгесин жеңип отурабыз", — деп жазылат режиссердун маалыматында.

Аталар керээзи тасмасынын режиссеру Дастан Жапар уулу. Архив - Sputnik Кыргызстан
Эки жумада эки миллион тапкан кыргыз тасмалары: табит, киреше, демөөр
Эки саатка чукул созулган толук метраждуу "Ата керээзи" тасмасы "Кыргызфильм" жана "Элфильм" студияларында тартылып, башкы ролдорду Иман Мукул, Марат Алышпаев, Тынара Абдразаева, Бакыт Мукул жана башкалар ойногон.

Сценарийге ылайык, Америкада жашап жаткан Азат аттуу бала атасынын керээзи менен анын сөөгүн Кыргызстанга алып келет. Карыздарынан кутулуп, туугандары, достору менен жолугуп, жергиликтүү окуялардын күбөсү болот. Улам барган сайын Ата Журттун топурагы кымбат экенин сезип, Америкага кетер-кетпесин билбей арсар ойго батат.

Жаңылыктар түрмөгү
0