БИШКЕК, 17-фев. — Sputnik. БУУ кайсы бир өлкөнү уюмдан чыгаруу тынчтык өкүм сүрөрүнө кепилдик бербейт. Бул тууралуу баш катчынын өкүлү Стефан Дюжаррик брифинг учурунда билдиргенин РИА Новости жазды.
26-декабрда Украинанын Тышкы иштер министрлиги Россияны БУУнун катарынан чыгарууга чакырган. ТИМ башчысы Дмитрий Кулеба Россияны уюмдун Коопсуздук кеңешинин курамынан чыгаруу боюнча маселени көтөрөрүн билдирген.
"Сурообуз жөпжөнөкөй: Россия БУУнун Коопсуздук кеңешинин туруктуу мүчөсү бойдон калууга, негизи эле Бириккен Улуттар Уюмунда болууга укугу барбы?" — деген ал.
Министр Украина бийлиги февралдын соңунда БУУнун аянтчасында тынчтык саммитин өткөрүүгө ниеттенип жатканын билдирген. Бирок иш-чарага Россиянын катышуусу тууралуу суроого Кулеба мындай кадам "аскердик кылмыш боюнча эл аралык сот" болуп өткөндөн кийин гана мүмкүн болорун айтып жооп берди.