Радиостудия Sputnik Кыргызстан в Бишкеке - Sputnik Кыргызстан
Радио

Кусеинова: 1-класска электрондук каттоо 25-августка дейре узартылды

© Sputnik / Табылды КадырбековБилим берүү жана илим министрлигинин Мектепке чейинки, мектептеги жана мектептен тышкаркы билим берүү башкармалыгынын жетектөөчү адиси Айнура Кусеинова
Билим берүү жана илим министрлигинин Мектепке чейинки, мектептеги жана мектептен тышкаркы билим берүү башкармалыгынын жетектөөчү адиси Айнура Кусеинова - Sputnik Кыргызстан
Жазылуу
Билим берүү жана илим министрлигинин Мектепке чейинки, мектептеги жана мектептен тышкаркы билим берүү башкармалыгынын жетектөөчү адиси Айнура Кусеинова 1-класска окуучуларды кабыл алуу 92 пайызга аткарылганын айтты.
Кусеинова: 1-класска электрондук каттоо 25-августка дейре узартылды

Электрондук каттоо аркылуу балдарды кабыл алуу 25-августка чейин узартылды. Жетишпей калган ата-энелер ушул аралыкта балдарын каттоодон өткөрүп, мектептерге жайгаштыра алат. Бул тууралуу Айнура Кусеинова Sputnik Кыргызстан радиосуна билдирди.

Анын айтымында, долбоор 2019-2020-окуу жылында сынамык иретинде Бишкек шаарында гана иштеп жатат.

"Окуучуларды 1-класска кабыл алууда электрондук каттоо эки этапта өттү. Биринчиси - ушул жылдын 15-февралынан 15-майга чейин жашаган жериндеги мектептерге каттоо, экинчи этапта жашаган аймагынан сырткары жайгашкан мектептерди тандаган ата-энелерге мүмкүнчүлүк берилди. Биринчи этап боюнча быйыл борбор калаанын мектептерине 17 755 бала келери күтүлүүдө. Анын 16 402си электрондук каттоодон өттү. Бул жалпы 1-класска кабыл алына турган балдардын 92 пайыздан ашуунун түзөт", — деди Кусеинова.

Ал ар кандай себептер менен белгиленген убакытта балдарын электрондук каттоодон өткөрбөй калган ата-энелер шаардагы райондук билим берүү борборлоруна 25-августка чейин барып, атайын түзүлгөн комиссияга арыз калтыруу менен балдарын каттата аларын кошумчалады.

Жаңылыктар түрмөгү
0