Шамшиев: Кожомкул балбан тууралуу тасма тартылат
Кожомкул балбан тууралуу тасма тартылат. Бул тууралуу СССРдин эл артисти, режиссер Болот Шамшиев Sputnik Кыргызстан радиосуна маек куруп жатып билдирди.
Анын айтымында, тасманын бюджети төрт миллион доллар болот.
"Каба жоо жүрөк" деген аталышта биринчи китеп даяр болду. Кожомкулдан мурун атасы Каба тууралуу китеп жазууну эп көрдүм. Анткени Кожомкулга спорттун сырларын үйрөткөн ошол киши болгон экен. Эми ошонун негизинде алгач Каба тууралуу андан соң Кожомкул боюнча тасма тарталы деп жатабыз", — деди Шамшиев.
Ал Жогорку Кеңеш тасмага мамлекеттен акча бөлүп берүү боюнча чечим чыгаргандыгын, бирок ал каражат жетпей тургандыгын кошумчалады. Андыктан бардык каалоочулар тасмага кол кабыш кылса болот.
