19:29 19 Аяк оона 2019
Түз эфир
  • USD69.8488
  • EUR77.2458
  • RUB1.0877
Кызылча талаасы. Архив

Министрлик быйыл эмне эгүү керектигин айтты. Картошкадай болбосо экен...

© Sputnik / Владимир Вяткин
Кыргызстанда
Кыскача шилтеме алуу
639 0 0

Былтыр өкмөт Өзбекстан менен ири көлөмдө картошка экспорттоо боюнча келишим түзүлгөнүн айтып, Айыл чарба министрлиги дыйкандарга дал ушул жашылчаны эгүүнү сунуштаган.

БИШКЕК, 25-янв. — Sputnik. Быйыл Айыл чарба министрлиги дыйкандарга кайсы өсүмдүктөрдү айдоого кеңеш берип жатканын министрдин орун басары Эркинбек Чодуев Sputnik Кыргызстан агенттигине айтып берди.

"Былтыр "сүткө оозубузду күйгүзүп" албадыкпы. Ошол себептүү быйыл багытты бир аз өзгөрттүк. Бардык нерсенин күңгөй-тескейин, ЕАЭБ өлкөлөрүндө өндүрүлгөн азык-түлүктөрдүн көлөмүн эске алуу менен быйыл жаңы сунуштама иштеп чыктык", — деди Чодуев.

Анын айтымында, быйыл дыйкандарга пахта, май чыгарчу, малга тоют болчу өсүмдүктөрдү жана кант кызылчасын өстүрүүгө кеңеш берилип жатат.

"Эмнеге пахта? Анткени Ошто "Кыргыз Текстиль" ишканасы курулуп жатат. Чүйдө 2017-жылы ачылган "Текстиль Транс" ЖЧКсы бар. Буларга сырье керек. Ошодой эле өзүбүздө өсүмдүк майлары жок, аны дагы импорттойбуз. Ал эми тоют болчу өсүмдүктөрдү көбөйтөлү деп жатканыбыздын себеби быйылтан тарта малдын башын көбөйтүү пландары каралган", — деп түшүндүрдү орун басар.

Эске салсак, былтыр өкмөт Өзбекстан менен ири көлөмдө картошка экспорттоо боюнча келишим түзүлгөнүн айтып, Айыл чарба министрлиги дыйкандарга дал ушул жашылчаны эгүүнү сунуштаган. Мындан улам дыйкандар 1 миллион 400 миң тоннадан ашуун картошка өндүргөн. Анын 1 миллион 250 миң тоннасы ички керектөөгө (жегенге, келерки жылкы үрөнгө жана малдын тоютуна) кетип, калган 150 миң тоннасын экспорттоого туура келүүдө. Бирок бул азыктын баасы 5 сомдун тегерегинде болуп туруп алгандыктан, дыйкандардын эмгеги акталбай жатат.

Тема боюнча

Министрлик: Түркмөнстан картошка алууга даяр, бирок дыйкандар макул эмес
Быйыл картошка эмнеге арзан? Министрлик түшүндүрмө берди
Белгилер:
кеңеш, өсүмдүктөр, айыл чарба, Картошка, Эркинбек Чодуев, Кыргызстан

ЭҢ МААНИЛҮҮ