https://sputnik.kg/20260724/akshnyn-zhany-sanktsiyalary-1102579728.html
ЖМК: АКШнын Россияга каршы жаңы санкциялар долбоору үзгүлтүккө учурашы мүмкүн
ЖМК: АКШнын Россияга каршы жаңы санкциялар долбоору үзгүлтүккө учурашы мүмкүн
Sputnik Кыргызстан
БИШКЕК, 24-июл. — Sputnik. АКШнын Россияга каршы жаңы масштабдуу санкциялары тууралуу эки партиялык мыйзам долбоору Конгресстин август айындагы каникулунун... 24.07.2026, Sputnik Кыргызстан
2026-07-24T10:11+0600
2026-07-24T10:11+0600
2026-07-27T11:46+0600
дүйнөдө
россия
акш
антироссиялык санкция
конгресс
талкуу
талаш
https://sputnik.kg/img/103771/24/1037712432_0:161:2421:1523_1920x0_80_0_0_a0e8f3cea2baa57ae0fe91461d225a9a.jpg
БИШКЕК, 24-июл. — Sputnik. АКШнын Россияга каршы жаңы масштабдуу санкциялары тууралуу эки партиялык мыйзам долбоору Конгресстин август айындагы каникулунун алдында кайрадан үзгүлтүккө учуроо коркунучунда турат. Бул тууралуу NOTUS басылмасы кабарлады.Басылманын маалыматына караганда, документти кароо анын мазмуну боюнча пикир келишпестиктерден улам токтоп калган. Атап айтканда, президент Дональд Трамп менен сенатор Дарлин Грэм бул демилгени Иранга каршы санкциялар менен толуктоону сунушташууда. Мындан тышкары, мыйзам долбоорунун азыркы редакциясы мамлекет башчысынын санкциялык режимден өзгөчө учурларды (жеңилдиктерди) берүү укуктарын чектейт, бул болсо Ак үйдүн нааразычылыгын жаратууда. Сенаттагы республикачылар көпчүлүгүнүн лидери Жон Тьюн документти келерки жумада добуш берүүгө алып чыгууну пландап жатат, бирок демократтар азырынча аны ылдамдатылган тартипте кароого макулдугун бере элек. Ошол эле учурда Сенат 6-августта, ал эми Өкүлдөр палатасы 27-июлда каникулга кетүүнү пландашууда. Эгерде мыйзам долбоору көрсөтүлгөн мөөнөткө чейин кабыл алынбаса, аны кароо сентябрь айында Конгресс толук кандуу ишин баштагандан кийин гана улантылышы мүмкүн. Буга чейин АКШ администрациясы менен Конгресс Россияга каршы жаңы санкциялар топтомунун шарттарын макулдашышкан. Ал эми июль айында ага өзгөртүүлөр киргизилип, россиялык энергоресурстарды эң ири сатып алуучулар үчүн экинчи даражадагы бажы алымдары боюнча айрым жоболорду жумшартуу каралган.
https://sputnik.kg/20260715/aksh-rossiyadan-gaz-munay-satyp-algan-besh-iri-satyp-aluuchunun-salygyn-azaytty-1102416742.html
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, акш, антироссиялык санкция, конгресс, талкуу, талаш
дүйнөдө, россия, акш, антироссиялык санкция, конгресс, талкуу, талаш
БИШКЕК, 24-июл. — Sputnik. АКШнын Россияга каршы жаңы масштабдуу санкциялары тууралуу эки партиялык мыйзам долбоору Конгресстин август айындагы каникулунун алдында кайрадан үзгүлтүккө учуроо коркунучунда турат. Бул тууралуу
NOTUS басылмасы кабарлады.
Басылманын маалыматына караганда, документти кароо анын мазмуну боюнча пикир келишпестиктерден улам токтоп калган. Атап айтканда, президент Дональд Трамп менен сенатор Дарлин Грэм бул демилгени Иранга каршы санкциялар менен толуктоону сунушташууда. Мындан тышкары, мыйзам долбоорунун азыркы редакциясы мамлекет башчысынын санкциялык режимден өзгөчө учурларды (жеңилдиктерди) берүү укуктарын чектейт, бул болсо Ак үйдүн нааразычылыгын жаратууда.
Сенаттагы республикачылар көпчүлүгүнүн лидери Жон Тьюн документти келерки жумада добуш берүүгө алып чыгууну пландап жатат, бирок демократтар азырынча аны ылдамдатылган тартипте кароого макулдугун бере элек. Ошол эле учурда Сенат 6-августта, ал эми Өкүлдөр палатасы 27-июлда каникулга кетүүнү пландашууда. Эгерде мыйзам долбоору көрсөтүлгөн мөөнөткө чейин кабыл алынбаса, аны кароо сентябрь айында Конгресс толук кандуу ишин баштагандан кийин гана улантылышы мүмкүн.
Буга чейин АКШ администрациясы менен Конгресс Россияга каршы жаңы санкциялар топтомунун шарттарын макулдашышкан. Ал эми июль айында ага өзгөртүүлөр киргизилип, россиялык энергоресурстарды эң ири сатып алуучулар үчүн экинчи даражадагы бажы алымдары боюнча айрым жоболорду жумшартуу каралган.
