https://sputnik.kg/20260707/miyzamdashtyrylbagan-unaalar-utildeshtirilet-1102269594.html
Мыйзамдаштырылбаган чет өлкөлүк номерлүү унаалар утилдештирилиши мүмкүн
Мыйзамдаштырылбаган чет өлкөлүк номерлүү унаалар утилдештирилиши мүмкүн
Sputnik Кыргызстан
Чет өлкөлүк номердеги унаалардын ээлери 1-сентябрга чейин аларды мыйзамдаштырышы же өлкөдөн чыгарып кетиши керек. 07.07.2026, Sputnik Кыргызстан
2026-07-07T10:43+0600
2026-07-07T10:43+0600
2026-07-07T10:43+0600
кыргызстан
токтом
унаа
каттоо
утилдештирүү
өкмөт
https://sputnik.kg/img/07e9/03/1f/1093011150_0:120:1280:840_1920x0_80_0_0_91fc2b5cf02631651827f46300209874.jpg
БИШКЕК, 7-июл. — Sputnik. Кыргызстанда чет өлкөлүк мамлекеттик номерлүү, бирок мыйзамдаштырылбаган автоунаалар соттун чечими менен мажбурлап утилдештирилиши мүмкүн. Министрлер кабинети сунуштаган токтом долбооруна ылайык, чет элдик номер менен жүргөн унаалардын ээлери 1-сентябрга чейин аларды каттоого алышы же өлкө аймагынан чыгарып кетиши зарыл. Эгерде сунушталган токтом күчүнө кирип, бирок жогорудагы талаптар аткарылбаса, унаа соттун чечими менен мажбурлап утилдештирүүгө жиберилет. Өкмөт жарыялаган мыйзамдаштыруу өнөктүгү 2024-жылдын 31-декабрына чейин өлкөгө кирген унааларга гана тиешелүү. Бул мөөнөттөн кеч киргизилген транспорт каражаттары мыйзамдаштырылбайт, аларды же өлкөдөн чыгарып кетип, же утилге тапшырууга туура келет. Долбоордо ошондой эле Кыргызстанда биринчи жолу иштен чыккан транспорт каражаттарын утилдештирүүнүн бирдиктүү тартиби сунушталууда. Анда автоунааларды кабыл алуу, сактоо, демонтаждоо, кооптуу калдыктарды зыянсыздандыруу, кайра иштетүү жана эсептен чыгаруу жол-жобосу аныкталган. Ага ылайык, утилдештирүү лицензиясы бар операторлор тарабынан жүргүзүлөт. Алар автокөлүктү майдалоонун алдында кыймылдаткыч жана трансмиссия майларын, тормоздук суюктуктарды, аккумуляторлорду, кондиционердеги озонду бузуучу заттарды жана башка кооптуу бөлүктөрдү сөзсүз алып салууга милдеттүү болушат. Андан кийин гана унаанын темир бөлүктөрү кайра иштетүүгө жөнөтүлөт. Утилизация аяктагандан кийин транспорт каражаты толугу менен жок кылынганын ырастаган атайын акт берилет. Бул документ унааны мамлекеттик каттоодон чыгарууга негиз болот. Министрлер кабинети долбоордун негизги максаты иштен чыккан автоунаалардын калдыктарын айлана-чөйрөгө жана адамдардын ден соолугуна тийгизген терс таасирин азайтуу, ошондой эле кайра иштетилүүчү материалдарды чарбалык жүгүртүүгө кайтаруу экенин белгилеген. Учурда документ коомдук талкууда. Эгер токтом кабыл алынып расмий жарыяланса, ал жарыяланган күндөн тартып жети күндөн соң күчүнө кирет.
https://sputnik.kg/20260604/on-rulduu-unaalar-miyzamdashtyrylat-1101693823.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, токтом, унаа, каттоо, утилдештирүү, өкмөт
кыргызстан, токтом, унаа, каттоо, утилдештирүү, өкмөт
Мыйзамдаштырылбаган чет өлкөлүк номерлүү унаалар утилдештирилиши мүмкүн
Чет өлкөлүк номердеги унаалардын ээлери 1-сентябрга чейин аларды мыйзамдаштырышы же өлкөдөн чыгарып кетиши керек.
БИШКЕК, 7-июл. — Sputnik. Кыргызстанда чет өлкөлүк мамлекеттик номерлүү, бирок мыйзамдаштырылбаган автоунаалар соттун чечими менен мажбурлап утилдештирилиши мүмкүн.
Министрлер кабинети сунуштаган токтом долбооруна ылайык, чет элдик номер менен жүргөн унаалардын ээлери 1-сентябрга чейин аларды каттоого алышы же өлкө аймагынан чыгарып кетиши зарыл.
Эгерде сунушталган токтом күчүнө кирип, бирок жогорудагы талаптар аткарылбаса, унаа соттун чечими менен мажбурлап утилдештирүүгө жиберилет.
Өкмөт жарыялаган мыйзамдаштыруу өнөктүгү 2024-жылдын 31-декабрына чейин өлкөгө кирген унааларга гана тиешелүү. Бул мөөнөттөн кеч киргизилген транспорт каражаттары мыйзамдаштырылбайт, аларды же өлкөдөн чыгарып кетип, же утилге тапшырууга туура келет.
Долбоордо ошондой эле Кыргызстанда биринчи жолу иштен чыккан транспорт каражаттарын утилдештирүүнүн бирдиктүү тартиби сунушталууда. Анда автоунааларды кабыл алуу, сактоо, демонтаждоо, кооптуу калдыктарды зыянсыздандыруу, кайра иштетүү жана эсептен чыгаруу жол-жобосу аныкталган.
Ага ылайык, утилдештирүү лицензиясы бар операторлор тарабынан жүргүзүлөт. Алар автокөлүктү майдалоонун алдында кыймылдаткыч жана трансмиссия майларын, тормоздук суюктуктарды, аккумуляторлорду, кондиционердеги озонду бузуучу заттарды жана башка кооптуу бөлүктөрдү сөзсүз алып салууга милдеттүү болушат. Андан кийин гана унаанын темир бөлүктөрү кайра иштетүүгө жөнөтүлөт.
Утилизация аяктагандан кийин транспорт каражаты толугу менен жок кылынганын ырастаган атайын акт берилет. Бул документ унааны мамлекеттик каттоодон чыгарууга негиз болот.
Министрлер кабинети долбоордун негизги максаты иштен чыккан автоунаалардын калдыктарын айлана-чөйрөгө жана адамдардын ден соолугуна тийгизген терс таасирин азайтуу, ошондой эле кайра иштетилүүчү материалдарды чарбалык жүгүртүүгө кайтаруу экенин белгилеген.
Учурда документ коомдук талкууда. Эгер токтом кабыл алынып расмий жарыяланса, ал жарыяланган күндөн тартып жети күндөн соң күчүнө кирет.
