https://sputnik.kg/20250628/iran-izrail-aksh-sogush-rezolyuciya-1094971110.html
Сенат Конгресстин макулдугусуз Иранга кол салууну тыйган резолюцияны жокко чыгарды
Сенат Конгресстин макулдугусуз Иранга кол салууну тыйган резолюцияны жокко чыгарды
Sputnik Кыргызстан
БИШКЕК, 28-июн. — Sputnik. АКШ Сенаты жума күнү кечинде америкалык аскерлердин Иранга каршы Конгресстин уруксаты жок согуштук аракеттерге катышуусуна тыюу... 28.06.2025, Sputnik Кыргызстан
2025-06-28T17:13+0600
2025-06-28T17:13+0600
2025-06-29T11:27+0600
иран
израиль
акш
согуш
сокку
резолюция
сенат
конгресс
аскер
https://sputnik.kg/img/07e9/06/1c/1094967531_0:159:3072:1887_1920x0_80_0_0_7add09c5ab1958a3246885cf74821ffd.jpg
БИШКЕК, 28-июн. — Sputnik. АКШ Сенаты жума күнү кечинде америкалык аскерлердин Иранга каршы Конгресстин уруксаты жок согуштук аракеттерге катышуусуна тыюу салган резолюцияны четке какты. Бул тууралуу добуш берүүнүн жыйынтыгында белгилүү болду.РИА Новостинин жазганына караганда, 53 сенатор резолюцияга каршы добуш берсе, калган 47си аны колдогон.Документке ылайык, сенатор-демократ Тим Кейндин демилгесинде "Конгресс тарабынан санкцияланбаган Иранга каршы согуштук аракеттерден АКШнын куралдуу күчтөрүн чыгаруу боюнча көрсөтмө берүү" талап кылынган. Ошондой эле АКШнын Конституциясынын жоболоруна ылайык, согуш жарыялоого Капитолий гана бирден-бир бийликке ээ экени, ал эми АКШнын аскерлеринин Тегеранга каршы согуштук аракеттерге катышуусу Конгрессти маалымдоону, ачык талкууларды жана добуш берүүнү талап кылары баса белгиленди.Эскерте кетсек, Израиль 13-июнга караган түнү Иранга каршы операция баштап, аны жашыруун аскердик-өзөктүк программаны ишке ашырууга айыптаган. Абадан бомбалоонун жана диверсиялык топтордун рейддеринин бутасы атомдук объектилер, генералитет, өзөктүк программа боюнча физиктер, авиабазалар болгон.Иран айыптоолорду четке кагып, буга жооп катары өзүнүн чабуулдарын жасады. Тараптар 12 күн бою атышып, аларга АКШ да кошулуп, 22-июнга караган түнү Ислам Республикасынын өзөктүк объектилерине бир жолку чабуул жасады.АКШда кол салуу терс реакция жаратты. Республикачыл конгрессмен Томас Масси 21-июнда Иранга жасалган соккуларды АКШнын Конституциясына каршы келген аракет деп атады. Мындан тышкары, конгрессвумен-демократ Александрия Окасио-Кортес болгон окуя импичмент жарыялоого негиз болушу мүмкүн деп билдирди.Тегеран 23-июнь күнү кечинде Американын Катардагы Эль-Удейд базасына ракеталык сокку уруп, Ирандын абалды андан ары курчутууга ниети жок экенин кабарлаган.Трамп андан соң Иран Катардагы америкалык аскердик базага сокку уруу менен "жинин чыгарып" алганын, эми Жакынкы Чыгышта тынчтыкка жана ынтымакка жол ачылышы мүмкүн экенин айткан.Ал ошондой эле Израиль менен Иран 24 сааттан кийин "согушту 12 күнгө расмий түрдө токтото" турган тынчтык келишимин түзүүгө макулдашканын билдирди.
https://sputnik.kg/20250628/tramp-iranga-30-mlrd-dollar-kotoruu-planyn-chetke-kakty-1094963889.html
иран
израиль
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
иран, израиль, акш, согуш, сокку, резолюция, сенат, конгресс, аскер
иран, израиль, акш, согуш, сокку, резолюция, сенат, конгресс, аскер
БИШКЕК, 28-июн. — Sputnik. АКШ Сенаты жума күнү кечинде америкалык аскерлердин Иранга каршы Конгресстин уруксаты жок согуштук аракеттерге катышуусуна тыюу салган резолюцияны четке какты. Бул тууралуу добуш берүүнүн жыйынтыгында белгилүү болду.
РИА Новостинин жазганына караганда, 53 сенатор резолюцияга каршы добуш берсе, калган 47си аны колдогон.
Документке ылайык, сенатор-демократ Тим Кейндин демилгесинде "Конгресс тарабынан санкцияланбаган Иранга каршы согуштук аракеттерден АКШнын куралдуу күчтөрүн чыгаруу боюнча көрсөтмө берүү" талап кылынган. Ошондой эле АКШнын Конституциясынын жоболоруна ылайык, согуш жарыялоого Капитолий гана бирден-бир бийликке ээ экени, ал эми АКШнын аскерлеринин Тегеранга каршы согуштук аракеттерге катышуусу Конгрессти маалымдоону, ачык талкууларды жана добуш берүүнү талап кылары баса белгиленди.
“Конгресс президентке АКШнын куралдуу күчтөрүн Иранга же анын өкмөтүнүн, же куралдуу күчтөрүнүн кайсы бир бөлүгүнө каршы аскердик аракеттерди жүргүзүү үчүн колдонууну токтотууга буйрук берет”, — деп айтылат резолюциянын текстинде.
Эскерте кетсек, Израиль 13-июнга караган түнү Иранга каршы операция баштап, аны жашыруун аскердик-өзөктүк программаны ишке ашырууга айыптаган. Абадан бомбалоонун жана диверсиялык топтордун рейддеринин бутасы атомдук объектилер, генералитет, өзөктүк программа боюнча физиктер, авиабазалар болгон.
Иран айыптоолорду четке кагып, буга жооп катары өзүнүн чабуулдарын жасады. Тараптар 12 күн бою атышып, аларга АКШ да кошулуп, 22-июнга караган түнү Ислам Республикасынын өзөктүк объектилерине бир жолку чабуул жасады.
АКШда кол салуу терс реакция жаратты. Республикачыл конгрессмен Томас Масси 21-июнда Иранга жасалган соккуларды АКШнын Конституциясына каршы келген аракет деп атады. Мындан тышкары, конгрессвумен-демократ Александрия Окасио-Кортес болгон окуя импичмент жарыялоого негиз болушу мүмкүн деп билдирди.
Тегеран 23-июнь күнү кечинде Американын Катардагы Эль-Удейд базасына ракеталык сокку уруп, Ирандын абалды андан ары курчутууга ниети жок экенин кабарлаган.
Трамп андан соң Иран Катардагы америкалык аскердик базага сокку уруу менен "жинин чыгарып" алганын, эми Жакынкы Чыгышта тынчтыкка жана ынтымакка жол ачылышы мүмкүн экенин айткан.
Ал ошондой эле Израиль менен Иран 24 сааттан кийин "согушту 12 күнгө расмий түрдө токтото" турган тынчтык келишимин түзүүгө макулдашканын билдирди.
