Санарип министрлиги Россиянын компаниялары жана маморгандары менен сүйлөштү
19:38 10.06.2025 (Жаңыртылды: 09:28 11.06.2025)
© Фото / Посольство России в Кыргызстане
Жазылуу
БИШКЕК, 10-апр. — Sputnik. Кыргызстандын Санариптик өнүктүрүү министрлигинин делегациясы Нижний Новгород шаарында бир катар сүйлөшүүлөрдү өткөрдү.
Бул шаарда “Өнөр жайлуу Россиянын санариптик өнөр жайы” (CIPR-2025) эл аралык конференциясы жана Глобалдуу санарип форуму өттү.
1/2
© Фото / Посольство России в Кыргызстане
Кыргызстандын Санариптик өнүктүрүү министрлигинин делегациясы Нижний Новгороддо сүйлөшүүлөрдү өткөрдү
2/2
© Фото / Посольство России в Кыргызстане
Кыргызстандын Санариптик өнүктүрүү министрлигинин делегациясы Нижний Новгороддо сүйлөшүүлөрдү өткөрдү
1/2
© Фото / Посольство России в Кыргызстане
Кыргызстандын Санариптик өнүктүрүү министрлигинин делегациясы Нижний Новгороддо сүйлөшүүлөрдү өткөрдү
2/2
© Фото / Посольство России в Кыргызстане
Кыргызстандын Санариптик өнүктүрүү министрлигинин делегациясы Нижний Новгороддо сүйлөшүүлөрдү өткөрдү
Кыргызстандын делегациясын министр Азамат Жамангулов жетектеп барды. Алар Россиянын Кыргызстандагы Соода өкүлчүлүгүнүн жардамы менен мамлекеттик органдардын жана IT-компаниялардын өкүлдөрү менен жолугушууларды өткөрдү (Санариптик өнүктүрүү министрлиги, Роскосмос, Росатом, Москва, Санкт-Петербург жана Нижний Новгород облусунун өкмөттөрү, Яндекс, Касперский, Ростелеком-Солар, МТС-Линк, Сбертех, ВК-Технология жана башкалар).
Талкууланган маселелер:
Нижний Новгород облусунун губернатору Глеб Никитин менен мамлекеттик башкарууну санариптештирүүнүн келечеги, IT-чечимдерди иштеп чыгуу жана билим берүү чөйрөсүндө кызматташууну кеңейтүү талкууланды;
Роскосмостун башкы директору Дмитрий Баканов менен спутниктик байланыш тармагында кызматташууну түзүү сүйлөшүлдү;
Россия Федерациясынын санариптик өнүктүрүү министри Максут Шадаев менен эки тараптуу кызматташуунун келечеги, биргелешкен санариптик долбоорлорду ишке ашыруу, мамлекеттик сектордо жана бизнесте алдыңкы чечимдерди колдонуу талкууланды.
Соода миссиясынын санариптик атташеси Роберт Вилданов Россиянын жогорку технологиялык продуктуларды экспорттоочулары үчүн Кыргызстандын маалыматтык коммуникациялык технология рыногуна презентация өткөрдү.
