https://sputnik.kg/20250318/dair-asanov-kyrgyzstandan-chykkan-sovetter-soyuzunun-baatyry-1092714749.html
Дайыр Асанов — Кыргызстандан чыккан Советтер Союзунун Баатыры
Дайыр Асанов — Кыргызстандан чыккан Советтер Союзунун Баатыры
Sputnik Кыргызстан
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган, Кыргызстандан чыккан каарман адамдар тууралуу... 18.03.2025, Sputnik Кыргызстан
2025-03-18T19:05+0600
2025-03-18T19:05+0600
2025-03-18T19:05+0600
улуу ата мекендик согуштагы жеңишке 80 жыл
ссср
дайыр асанов
улуу ата мекендик согуш
эрдик
эскерүү
https://sputnik.kg/img/07e9/02/18/1092261052_0:351:1600:1251_1920x0_80_0_0_eb5dbc17a8dc85ee2a4bdc779cf8e217.jpg.webp
Генерал-майор Дайыр АсановАл 1922-жылы 30-майда Ат-Башынын Баш-Кайыңды айылында (Нарын облусу) дыйкандын үй-бүлөсүндө жарыкка келген.1942-жылы Кызыл Армияга чакырылып, 1943-жылдын январынан тарта Дон фронтуна кирген. 1-январда жөө аскерлердин катарында бара жатып Асанов түз бутага алып, замбирек менен душмандын эки пулемёттук пунктун жана эки блиндажын жок кылат. Каармандыгы бааланып, Согуштагы сиңирген эмгеги үчүн медалы менен сыйланат.Ал Харьков облусундагы Пятницкое кыштагы үчүн кармашта өзгөчөлөнгөн. 1943-жылы 23-мартта төрт сааттык айыгышкан кармашта душмандын танкалык үч кармашынын мизин кайтарып, сегиз танканы, сооттолгон сегиз машинаны талкалап, 40 автоматчыны жок кылган. Чабуулдардын мизин кайтаруу учурунда Асановдун куралынан чыккан октор түз тийип, душмандын снаряддарын иштен чыгарган. Ал жолдоштору менен бирге автомат менен гитлерчилерди "терүүнү" уланткан. Салгылашта кыргызстандык жоокер 300 метр аралыктан немецтердин үч танкасын талкалап, ал үчүн Ата Мекендик согуштун I даражадагы ордени менен сыйланган. Андан сырткары, Сталинградды коргоо үчүн медалы ыйгарылган.1943-жылы 27-августта Миргород үчүн салгылаштагы тынбай жасалган бомбалоо менен жааган октун алдында душмандын 20га чукул аскерин, ок-дары салынган беш автоунаасын жок кылып, Кызыл Жылдыз орденине татыган. 17-сентябрда 162,5 бийиктигин алуу үчүн болгон кармашта башка жоокерлерге кошулуп жөө аскерлердин эки взводун жайлап, душмандын пулеметун жок кылып, минометтук батареясынын "жаагын жап" кылган.1943-жылы 26-октябрда СССРдин Жогорку Советинин президиумунун жарлыгы менен немецтик баскынчыларга каршы күрөштө согуштук тапшырманы үлгүлүү аткарганы, көрсөткөн баатырдыгы, эрдиги үчүн Дайыр Асанов Советтер Союзунун Баатыры наамына татып, Ленин ордени, Алтын Жылдыз медалы менен сыйланган.1946-жылы Ульянов шаарындагы танкалык училищени, 1956-жылы Владимир Ленин атындагы саясий академияны аяктаган. Фрунзе шаарынын Ленин райондук аскер комиссариатын жетектеген. 1984-жылы отставкага кеткен. Кийинчерээк генерал-майор Дайыр Асанов Кыргызстандын Ардагерлер союзун жетектеген. 2009-жылы 18-сентябрда каза болуп, сөөгү "Ала-Арча" көрүстөнүнө коюлган.Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.Маалымат үчүн: Улуу Ата Мекендик согуш 1 418 күнгө созулган. Согуш жылдарында СССР 26,6 миллион адамынан ажыраган. Алардын ичинен 8,7 миллиондон ашууну согуш талаасында курман болгон, 7,42 миллион адам оккупацияланган аймактарда фашисттер тарабынан атайылап жок кылынган. 4,1 миллиондон ашыгы оккупациялык режимдин катаал шарттарынан көз жумган.Кыргыз ССРинен Улуу Ата Мекендик согушка 365 миң адам катышып, 152 миңден ашууну курман болгон. Калганы ар кайсы жылдары кайтып келген. Бул кандуу кагылыштарда тайманбастыгы, баатырдыгы үчүн 150 миңдей командир жана жоокерлер орден-медалдар менен сыйланган, 21 кыргызстандыкка Даңк орденинин толук кавалери, ал эми 70тен ашуун жараныбызга эң жогорку — Советтер Союзунун Баатыры наамы ыйгарылган. Булардын ичинде биз жогоруда сөз кылган Дайыр Асанов да бар.
https://sputnik.kg/20250317/nikolay-kalashnikov---kyrgyzstandan-chykkan-sovetter-soyuzunun-baatyry-1092697156.html
ссср
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
ссср, дайыр асанов, улуу ата мекендик согуш, эрдик, эскерүү
ссср, дайыр асанов, улуу ата мекендик согуш, эрдик, эскерүү
Дайыр Асанов — Кыргызстандан чыккан Советтер Союзунун Баатыры
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган, Кыргызстандан чыккан каарман адамдар тууралуу баяндоосун улантат.
Генерал-майор Дайыр Асанов
Ал 1922-жылы 30-майда Ат-Башынын Баш-Кайыңды айылында (Нарын облусу) дыйкандын үй-бүлөсүндө жарыкка келген.
1942-жылы Кызыл Армияга чакырылып, 1943-жылдын январынан тарта Дон фронтуна кирген. 1-январда жөө аскерлердин катарында бара жатып Асанов түз бутага алып, замбирек менен душмандын эки пулемёттук пунктун жана эки блиндажын жок кылат. Каармандыгы бааланып, Согуштагы сиңирген эмгеги үчүн медалы менен сыйланат.
Ал Харьков облусундагы Пятницкое кыштагы үчүн кармашта өзгөчөлөнгөн. 1943-жылы 23-мартта төрт сааттык айыгышкан кармашта душмандын танкалык үч кармашынын мизин кайтарып, сегиз танканы, сооттолгон сегиз машинаны талкалап, 40 автоматчыны жок кылган. Чабуулдардын мизин кайтаруу учурунда Асановдун куралынан чыккан октор түз тийип, душмандын снаряддарын иштен чыгарган. Ал жолдоштору менен бирге автомат менен гитлерчилерди "терүүнү" уланткан. Салгылашта кыргызстандык жоокер 300 метр аралыктан немецтердин үч танкасын талкалап, ал үчүн Ата Мекендик согуштун I даражадагы ордени менен сыйланган. Андан сырткары, Сталинградды коргоо үчүн медалы ыйгарылган.
1943-жылы 27-августта Миргород үчүн салгылаштагы тынбай жасалган бомбалоо менен жааган октун алдында душмандын 20га чукул аскерин, ок-дары салынган беш автоунаасын жок кылып, Кызыл Жылдыз орденине татыган. 17-сентябрда 162,5 бийиктигин алуу үчүн болгон кармашта башка жоокерлерге кошулуп жөө аскерлердин эки взводун жайлап, душмандын пулеметун жок кылып, минометтук батареясынын "жаагын жап" кылган.
1943-жылы 26-октябрда СССРдин Жогорку Советинин президиумунун жарлыгы менен немецтик баскынчыларга каршы күрөштө согуштук тапшырманы үлгүлүү аткарганы, көрсөткөн баатырдыгы, эрдиги үчүн Дайыр Асанов Советтер Союзунун Баатыры наамына татып, Ленин ордени, Алтын Жылдыз медалы менен сыйланган.
1946-жылы Ульянов шаарындагы танкалык училищени, 1956-жылы Владимир Ленин атындагы саясий академияны аяктаган. Фрунзе шаарынын Ленин райондук аскер комиссариатын жетектеген. 1984-жылы отставкага кеткен. Кийинчерээк генерал-майор Дайыр Асанов Кыргызстандын Ардагерлер союзун жетектеген. 2009-жылы 18-сентябрда каза болуп, сөөгү "Ала-Арча" көрүстөнүнө коюлган.
Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.
Маалымат үчүн: Улуу Ата Мекендик согуш 1 418 күнгө созулган. Согуш жылдарында СССР 26,6 миллион адамынан ажыраган. Алардын ичинен 8,7 миллиондон ашууну согуш талаасында курман болгон, 7,42 миллион адам оккупацияланган аймактарда фашисттер тарабынан атайылап жок кылынган. 4,1 миллиондон ашыгы оккупациялык режимдин катаал шарттарынан көз жумган.
Кыргыз ССРинен Улуу Ата Мекендик согушка 365 миң адам катышып, 152 миңден ашууну курман болгон. Калганы ар кайсы жылдары кайтып келген. Бул кандуу кагылыштарда тайманбастыгы, баатырдыгы үчүн 150 миңдей командир жана жоокерлер орден-медалдар менен сыйланган, 21 кыргызстандыкка Даңк орденинин толук кавалери, ал эми 70тен ашуун жараныбызга эң жогорку — Советтер Союзунун Баатыры наамы ыйгарылган. Булардын ичинде биз жогоруда сөз кылган Дайыр Асанов да бар.
