https://sputnik.kg/20240124/kyrgyzstan-kino-baken-kydykeeva-aliman-zhangorozova-taberik-surot-1082140526.html
"Көздүн карегиндеги" Бакен Кыдыкеева менен Алиман Жангорозова. Таберик сүрөт
"Көздүн карегиндеги" Бакен Кыдыкеева менен Алиман Жангорозова. Таберик сүрөт
Sputnik Кыргызстан
Sputnik Кыргызстан агенттиги архивде сакталып жаткан сейрек сүрөттөрдү жарыялап, тарыхын баяндоону улантат. 24.01.2024, Sputnik Кыргызстан
2024-01-24T20:02+0600
2024-01-24T20:02+0600
2024-01-24T20:02+0600
кыргызстан
маданият
төлөгөн сыдыков
бакен кыдыкеева
алиман жангорозова
таберик сүрөт
"көздүн кареги" тасмасы
https://sputnik.kg/img/07e8/01/02/1081714370_0:0:2201:1239_1920x0_80_0_0_b95bbf3520ba7b21ab8ac289a5fc903c.jpg
© Sputnik / Александр ФедоровБелгилүү киночу Төлөгөн Сыдыков, кыргыздын атактуу актрисалары Бакен Кыдыкеева менен Алиман Жангорозова жана гример кыздын сүрөтү 1976-жылы Фрунзе шаарында тартылган.Ал жылы белгилүү кинорежиссер Геннадий Базаров жазуучу Ашым Жакыпбеков менен Леонид Дядюченконун сценарийинин негизинде "Көздүн кареги" тасмасын тарткан. Фильмде башкы ролдорду Бакен Кыдыкеева, Болот Бейшеналиев аткарган.Ардагер киночу Төлөгөн Сыдыков ал кезди мындайча эскерет:Москвада сүйүүсүн таап, ошол жактан орун-очок алган жигит менен анын апасынын ортосундагы мамилени, туулуп-өскөн жеринен алыс жүргөн Эркиндин ички сезимдерин баяндаган тасмага Советбек Жумадылов, Медел Маниязов, Орозбек Кутманалиев, Жээнбек Мукамбетов, Медер Сыдыков, Бакы Өмүралиев, Мамлакат Кылычева, Клара Юсупжановалар катышкан.Көркөм фильм 1977-жылы көрүүчүлөргө сунушталып, Бакен Кыдыкеева Ригада өткөн Бүткүл союздук кинофестивалда атайын сыйлыкка татыган.Тема боюнча:
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, маданият, төлөгөн сыдыков, бакен кыдыкеева, алиман жангорозова, таберик сүрөт, "көздүн кареги" тасмасы, инфографика
кыргызстан, маданият, төлөгөн сыдыков, бакен кыдыкеева, алиман жангорозова, таберик сүрөт, "көздүн кареги" тасмасы, инфографика
"Көздүн карегиндеги" Бакен Кыдыкеева менен Алиман Жангорозова. Таберик сүрөт
Sputnik Кыргызстан агенттиги архивде сакталып жаткан сейрек сүрөттөрдү жарыялап, тарыхын баяндоону улантат.
© Sputnik / Александр Федоров
Белгилүү киночу Төлөгөн Сыдыков, кыргыздын атактуу актрисалары Бакен Кыдыкеева менен Алиман Жангорозова жана гример кыздын сүрөтү 1976-жылы Фрунзе шаарында тартылган.
Ал жылы белгилүү кинорежиссер Геннадий Базаров жазуучу Ашым Жакыпбеков менен Леонид Дядюченконун сценарийинин негизинде "Көздүн кареги" тасмасын тарткан. Фильмде башкы ролдорду Бакен Кыдыкеева, Болот Бейшеналиев аткарган.
Ардагер киночу Төлөгөн Сыдыков ал кезди мындайча эскерет:
"Мен көбүнчө экинчи режиссер катары ролдорго актерлорду караштыруу, техникалык маселелер боюнча уюштуруу иштери менен алектенчүмүн. Биз кээде өзүбүзгө ылайыктуу актерду табыш үчүн бүт Орто Азияны кыдырып чыкчубуз. Геннадий Базаров менен көп тасмада бирге иштештим. Алгачкы жолу дипломдук иши болгон "Намаз окуу" тасмасын тарттык. Андан соң "Саманчынын жолу", "Көчө", "Көздүн карегин" камерага түшүрдүк. Геннадий укмуш сүрөттөрдү тартчу, көп фильмдердин кадрларын кагазга түшүрдү. Костюм боюнча да сүрөтчү боло калчу. Биз тарткан тасмалардын аркасы менен кыргыздын таланттуу актер, актрисалары СССРдин эл артисти болгонго жетишти. Ал наамды Алиман Жангорозова эле алган жок. Иш маалында режиссер сценарийге байланыштуу өз каалоосун эжеге айтса, актриса ошону так өзүндөй аткарып берчү. Ал эми СССРдин эл артисти Бакен Кыдыкеева болсо кандай гана роль болбосун, майын чыгара жаратчу. Аларды мен далай жолу театрга, съемкаларга ташып калдым", — деди Сыдыков.
Москвада сүйүүсүн таап, ошол жактан орун-очок алган жигит менен анын апасынын ортосундагы мамилени, туулуп-өскөн жеринен алыс жүргөн Эркиндин ички сезимдерин баяндаган тасмага Советбек Жумадылов, Медел Маниязов, Орозбек Кутманалиев, Жээнбек Мукамбетов, Медер Сыдыков, Бакы Өмүралиев, Мамлакат Кылычева, Клара Юсупжановалар катышкан.
Көркөм фильм 1977-жылы көрүүчүлөргө сунушталып, Бакен Кыдыкеева Ригада өткөн Бүткүл союздук кинофестивалда атайын сыйлыкка татыган.
