https://sputnik.kg/20240116/fevral-ayyna-karata-aba-yrayy-1081954301.html

Күн ысыйбы? Февраль айына карата аба ырайы божомолу

Күн ысыйбы? Февраль айына карата аба ырайы божомолу

Sputnik Кыргызстан

Келерки айда абанын айлык орточо температурасы көпчүлүк аймактарда климаттык нормадан 1…1,5 градуска жогору болору божомолдонууда. 16.01.2024, Sputnik Кыргызстан

2024-01-16T13:45+0600

2024-01-16T13:45+0600

2024-01-16T13:51+0600

кыргызстан

февраль

аба ырайы

суук

кыш

https://sputnik.kg/img/07e8/01/10/1081951996_0:0:3017:1697_1920x0_80_0_0_41f8553dc78ba1d30bd117f745c5d55b.jpg

БИШКЕК, 16-янв. — Sputnik. Кыргызгидромет агенттиги февраль айына карата күтүлгөн аба ырайы тууралуу маалымат берди.Ага ылайык, келерки айда абанын айлык орточо температурасы көпчүлүк аймактарда климаттык нормадан 1…1,5 градуска жогору болушу ыктымал. Жаан-чачындын айлык көлөмү Чүй, Талас, Ысык-Көл облустарында нормага жакын, ал эми Ош, Жалал-Абад, Баткен, Нарын облустарында климаттык нормадан арбын болору күтүлүүдө.Чүй облусуАбанын айлык орточо температурасы климаттык нормадан 1…1,5 градуска жогору болуп, 0…-2 градус суук болушу, тоо этектеринде жана Кемин өрөөнүндө -2…-4 градуска төмөн болушу мүмкүн. Ай ичинде абанын температурасы түнкүсүн -5…-10 градустан -2 …+3 градуска чейин өзгөрүлүп турушу ыктымал. Кээ бир түндөрү абанын температурасы -16 градуска чейин төмөндөшү мүмкүн. Жаан-чачындын айлык көлөмү нормага жакын болору айтылды.Талас облусуАбанын айлык орточо температурасы климаттык нормадан 1…1,5 градус жогору болуп, -1…-3 градуска төмөндөй турганы божомолдонду. Ай ичинде абанын температурасы түнкүсүн -5…-10 градустан -2…+3 градуска чейин жетет. Күндүз -1...4, 5…10 градусту көрсөтсө, айрым түндөрү сууктун күчү -16 градуска чейин жетет. Жаан-чачындын айлык көлөмү нормага жакын болушу, айрым жерлерде нормадан төмөн болушу күтүлөт.Ош облусуАбанын айлык орточо температурасы климаттык нормадан 1…1,5 градус жогору болуп, 2…4 градус жылуу болушу, тоо этектеринде -0…-2 градуска төмөндөөрү айтылды. Ай ичинде абанын температурасы түнкүсүн 0…-5, 1…6 градус, кээ бир түндөрү абанын температурасы -6…-11 градуска чейин төмөндөшү мүмкүн. Күндүз -2 … +3, 8…13 градуска чейин өзгөрүлүп турмакчы. Жаан-чачындын айлык көлөмү нормадан арбын болушу божомолдонду.Жалал-Абад облусуАбанын айлык орточо температурасы 1…1,5 жана 2…4 градус, тоо этектеринде -0…-2 градус суук болушу күтүлөт. Ай ичинде абанын температурасы түнкүсүн 0…-5тен 1…6 градуска чейин өзгөрүлүп турушу мүмкүн. Кээ бир түндөрү -6…-11 градуска чейин төмөндөсө, күндүз -2 … 3 жана 8…13 градусту көрсөтөт. Токтогул районунда ай ичинде абанын температурасы түнкүсүн -5…-10, кээде -4…+1 градус болсо, күндүз 0…-5, 1…6 градуска жетет. Жаан-чачындын айлык көлөмү нормадан арбын болушу күтүлөт.Баткен облусуАбанын айлык орточо температурасы климаттык нормадан 1…1,5 градус жогору болуп, 2…4 градус жылуу болушу, тоо этектеринде -0…-2 градус суук болушу мүмкүн. Ай ичинде абанын температурасы түнкүсүн 0…-5, 1…6 градуска чейин, кээ бир түндөрү -6…-11 градуска чейин төмөндөйт. Күндүз -2… +3, 8…13 градус жылуу болсо, айрым күндөрү 20 градуска чейин ысыйт. Жаан-чачындын айлык көлөмү нормадан арбын болушу күтүлөт.Ысык-Көл облусуАбанын айлык орточо температурасы климаттык нормадан 1…1,5 градус жогору болуп, -1…-3 градус суук, чыгышында -4…-6 градус суук болушу күтүлөт. Ай ичинде абанын температурасы түнкүсүн -4…-9 градустан -3 … 2 градуска чейин өзгөрүлүп турса, чыгышында кээ бир түндөрү сууктун күчү -9…-14 градуска жетет. Күндүз абанын температурасы 0…5, 6…11 градуска чейин өзгөрүлүп турмакчы. Жаан-чачындын айлык көлөмү нормага жакын болушу, айрым жерлерде нормадан төмөн болушу күтүлөт.Нарын облусуАбанын айлык орточо температурасы климаттык нормадан 1…1,5 градуска жогору болуп, -9…-11 градус, Кочкор районунда -4…-6 градус суук болушу күтүлөт. Ай ичинде түнкүсүн -10…-15 градустан -2…-7 градуска чейин төмөндөйт. Кээ бир түндөрү сууктун күчү -18…-23 градуска жетет. Күндүз абанын температурасы -3…-8, 1…6 градуска чейин өзгөрүлүп турмакчы. Кочкор районунда түнкүсүн -6…-11 жана 0…-5 градус болсо, күндүз -2… 3, 4…9 градуска чейин жетет. Жаан-чачындын айлык көлөмү нормадан арбын болушу күтүлөт.

https://sputnik.kg/20240115/zhumushsuzdardyn-sany-kyskardy-1081931982.html

https://sputnik.kg/20240108/virus-ooru-kysh-immunitet-den-sooluk-aldyn-aluu-1081793190.html

2024

Жаңылыктар

kg_KG

кыргызстан, февраль, аба ырайы, суук, кыш