Нутрициолог витамин ашыкча болуп кеткендеги белгилерди атады

© AFP / PHILIPPE HUGUENВитамин. Иллюстративдүү сүрөт
Витамин. Иллюстративдүү сүрөт - Sputnik Кыргызстан, 1920, 20.04.2023
Жазылуу
Адис кош бойлуулуктун алгачкы үч айында эне А витаминин дозадан ашык ичсе бала кандайдыр бир кемтик менен төрөлүп калышы мүмкүндүгүн белгилеген.
БИШКЕК, 20-апр. — Sputnik. Витаминдерди ашыкча ичүү интоксикацияга алып келет. Бул тууралуу Sputnik радиосуна нутрициолог Ирина Мальцева айтып берди.
A, E жана D витаминдерин ашыкча ичүүдөн келип чыккан гипервитаминоз чанда кезигиши мүмкүн. А, Е витаминдери көптөгөн азыктарда бар, мындан тышкары, активдүү биологиялык кошулмаларда (БАД) жана дары-дармек каражаттарында кездешет. Нутрициологдун айтымында, А витамининин ашыкча болушу өзгөчө кош бойлуулар үчүн кооптуу.
"Кош бойлуулуктун алгачкы үч айында эне А витаминин дозадан ашык ичсе бала кандайдыр бир кемтик менен төрөлүп калышы мүмкүн", – деген Ирина Мальцева.
Адис D витаминин ашыкча ичүү гипервитаминозго алып келбей турганын белгилеген.
"Эгер адамдын генинде D витаминин сиңирүү жөндөмдүүлүгү төмөн болсо гана гипервитаминоз болушу мүмкүн. D витаминин 300 миң МЕ ичкен адам менен 600 МЕ ичкен адамдын организминде аталган витамин норма болуп көрүнөт. Негизи организмдеги D витамининин дозасы ал адам күнгө канчалык чыкканына жараша болот", – деп түшүндүрдү нутрициолог.
Адамдар витаминди ашыкча ичүүнүн жыйынтыгынан жаралган интоксикациянын белгилерин саламаттыктагы башка белгилер менен чаташтырып алышы мүмкүн.
"Мисалы, организмде D витамини ашыкча болсо ал жетишсиз болгондой эле баш, муундар ооруйт. Адам шалдырап, уйкусу келип, кан басымы же дене табы көтөрүлөт. Ич катат же ич өтөт, мындан тышкары, организм ар кандай белгилерди бериши мүмкүн. Ал эми Е витамини ашыкча болгон учурда адамдын башы, булчуңдары ооруйт. А витамин дозадан ашык болгон учур баш оору, эмоциянын бат-баттан өзгөрүшү, алсыздык, ич оору менен коштолот. Бирок бул белгилер аталган витамин жетишсиз учурда да болот", – деп кошумчалады Ирина Мальцева.
Витамин ичүү. Архивдик сүрөт - Sputnik Кыргызстан, 1920, 20.03.2023
Дарыгер: витаминдерди ашыкча ичүү ден соолукту талкалайт
Жаңылыктар түрмөгү
0