Ибраева: курулуш компаниялардын көбүнүн үй курууга уруксат документи жок
© Sputnik / Асылбек Бактыбеков
Жазылуу
AIM Partners юридикалык компаниясынын жетекчиси Мээрим Ибраева Кыргызстанда көп кабаттуу үй курган компанияларга котлован казуу этабында кардарлардан акча чогултууга тыюу салуу жөнүндө чечим туура кадам экенин айтты.
Кыргызстанда көп курулуш компаниянын турак жай курууга уруксат документи жок. Анткени министрлер кабинетинин 2021-жылдын 6-августундагы жобосуна ылайык курулуш компанияларга уруксат документи жок курулушту баштоого укук берилген. Бул тууралуу Мээрим Ибраева Sputnik Кыргызстан радиосунун эфиринде маек куруп жатып билдирди.
Ибраева: курулуш компаниялардын көбүнүн үй курууга уруксат документи жок
Анын айтымында, документи такталбаган курулуш компаниядан үй сатып алуу чоң тобокелдиктерди пайда кылып, жыйынтыгы соттук процесстер менен коштолуп жатат.
"Өлкөдө көп курулуш компаниянын турак жай курууга уруксат документи жок. Анткени 2021-жылдын 6-августунан баштап министрлер кабинетинин Кыргызстандагы кыймылсыз мүлк объектилерин долбоорлоого, курууга жана башка өзгөртүүгө документ берүүнүн тартиби жана курулушу бүтүп, эксплуатацияга берилүүчү объектилердин шайкештигин баалоо жөнүндө жободо уруксат документи жок эле курулушту баштоого компанияларга укук берилген. Бул укукту пайдаланып, үй курган компания ээлери тиешелүү кагаздары жок эле иштеп жатат. Ал чоң тобокелдиктерди пайда кылып, жыйынтыгы соттук процесстер менен коштолууда. Мындан тышкары, Кыргызстанда турак жай курган компанияларга котлован казуу этабында кардарлардан акча чогултууга тыюу салуу жөнүндө чечим туура кадам деп ойлойм. Бул Россия жана Казакстандан келген тажрыйба. 2000-жылдардын башында РФте да мындай маселе болуп, бир тыйыны жок компания каалаган курулушту кура алган. Албетте, ал көбүнүн банкрот болушуна алып келген", — деди Ибраева.
Ошондой эле адис турак жайдын курулушун аягына чыгара албай, компаниянын ээси чет өлкөгө качып же соттолуп, банкрот болуп калган учурлар көп кездешерин кошумчалады.
