Мамлекеттик архивде 4 түрдүү документ сакталат. Тизме
© Sputnik / Асель Сыдыкова
Жазылуу
Санариптик өнүктүрүү министрлигине караштуу архив кызматынын уюштуруу, кадр иштери жана укуктук камсыздоо бөлүмүнүн башчысы Ашыралы Рысалиев өлкөдө төрт түрдөгү архивдик документтер сакталарын айтты.
Улуттук архив фонду — бул өлкөнүн өнүгүшүнүн ар түрдүү этаптарында мамлекеттик, экономикалык, коомдук, саясий, социалдык, маданий чөйрөлөрүндөгү түзүлгөн документтердин жыйынтысы. Архивдеги документтер — элдин маданий жана тарыхый мурасы. Коом жана мамлекеттин муктаждыктарын канааттандырууга жана жарандардын укуктуктарын, мыйзамдуу таламдарын жүзөгө ашырууда керектелет. Бул тууралуу Ашыралы Рысалиев Sputnik Кыргызстан радиосунун эфиринде маек куруп жатып билдирди.
Мамлекеттик архивде 4 түрдүү документ сакталат. Тизме
Анын айтымында, архив кызматынын алдында 65 мамлекеттик архив бар.
"КРдин Улуттук архив фонду жөнүндө" мыйзамынынын 1-2-беренесинде төрт түрдөгү (мамлекеттик архив, мамлекеттик орган, мекеме, уюмдардын архиви, мамлекеттик эмес мекемелердин архиви жана өздүк архив) архивдик документтер бар экени жазылган. Өздүк курамдагы эмгек стажы тууралуу документтер пенсия чегерүүдө керектелет. Мыйзам боюнча, ал документ мекеме-уюмдарда 75 жыл сакталат (мыйзамдагы өзгөртүүлөргө ылайык, эми 60 жыл). Ал мамлекеттик архивге өткөрүлбөйт. Качан гана мекеме жоюлган учурда гана берилет. Мыйзамдын 16-беренесинде мамлекеттик архив, Улуттук коопсуздук комитетинин, Ички иштер, Тышкы иштер министрликтеринин документтери туруктуу сакталары боюнча айтылат. Жер, кыймылсыз мүлктү каттоо, жарандык абалды каттоо, мекеме, уюмду каттоо, геодезия, картография, Улуттук илимдер академиясынын документтери өздөрүндө сакталат. Ошондой эле репрессияланган жарандар тууралуу кагаздар улуттук коопсуздук мекемесинде, көчүрүлүп келингендер тууралуу документ Ички иштер министрлигинде түбөлүк сакталат. Мамлекеттик архивде өлкөнүн коомдук-саясий өнүгүүсү боюнча тарыхый күчү бар жана жоюлган мекемелердин документтери болот", — деди Рысалиев.
Ал Санариптик өнүктүрүү министрлигине караштуу архив кызматында 531 кызматкер эмгектенерин кошумчалады.
