7-кабатта отурган 4 депутат кабинеттен чыгарылат. Арасында Мамытов да бар

© Sputnik / Жоомарт УраимовЖогорку Кеңеш. Архив
Жогорку Кеңеш. Архив - Sputnik Кыргызстан, 1920, 19.01.2023
Жазылуу
Депутаттар маселени жабык эшик артында карап, эң жогорку кабатка жетекчилер гана отурсун деген бүтүм чыгарышкан.
БИШКЕК, 19-янв. — Sputnik. Жогорку Кеңештин 7-кабатында отурган төрт депутат кабинетинен чыгарылып, төмөнкү кабаттарга көчүрүлөт. Бул тууралуу депутаттар токтом кабыл алганын өздүк булактар билдирди.
Кечээ парламентте жабык эшик артында жыйын өткөн болчу. Мындай чечим ошондо чыгарылганы айтылды. 7-кабатка төрага, вице-спикерлер жана фракция лидерлери гана отурушу керек деген бүтүмгө келишкен.
Белгилей кетсек, парламенттин эң үстүңкү кабатында жетекчилик кызматтагылардан сырткары депутаттар Талант Мамытов, Дастан Жумабеков, Айбек Осмонов отурат. Чуу жараткан Өмүрбек Бакировдун иш бөлмөсү да ошол жакта жайгашкан.
Мындай токтом кабыл алынганын Жумабеков Sputnik Кыргызстандын кабарчысына тастыктады. Ошол эле учурда ал төраганын кабинет бөлүштүрүүгө укугу жок экенин белгиледи.
"Эми көпчүлүккө баш иебиз да. Керек болсо кабинетимди бошотуп чыгам. Бирок Жогорку Кеңеште бул сыяктуу токтом кабыл алынбашы керек. Төраганын буга укугу жок. Мындай биринчи жолу болуп жатат. Негизи кабинет бөлүштүрүү депутаттардан түзүлгөн комиссиянын иши. Ошолор караш керек эле", — деди Жумабеков.
Парламентте кабинет маселеси маал-маалы менен көтөрүлүп турат. Жакында эле депутаттар иш бөлмөлөрүн алмаштырган болчу. Анда Талант Мамытовго өзгөчө шөкөттөлгөн кабинет берилгени белгилүү болгон.
Душ, эс алчу бөлмө, белектер. Депутаттар кандай кабинетте отурат. Видео - Sputnik Кыргызстан, 1920, 11.03.2022
Душ, эс алчу бөлмө, белектер. Депутаттар кандай кабинетте отурат. Видео
Жаңылыктар түрмөгү
0