Кыргызстандан Түркияга, АКШ жана Германияга рекорддук сумма которулду
© Photo / Pexels / cottonbro
Жазылуу
Быйыл Кыргызстандан сыртка которулган акчанын көлөмү көбөйүп, 10 айда 939,7 миллион долларды түзгөн.
БИШКЕК, 19-дек. — Sputnik. Октябрь айына карата Кыргызстандан 160,4 миллион доллар сыртка которулган. Бул тууралуу Улуттук банктын маалыматында айтылат.
Кеп жеке жактардын акча которуу системалары аркылуу жүргүзгөн операциялары жөнүндө болуп жатат. Которуулар ар кандай валютада болушу мүмкүн, бирок доллар эквиваленти берилет.
Учурдагы көрсөткүч тарыхта экинчи жолу (быйыл рекорддук көрсөткүч сентябрда 170,4 миллион долларды түзгөн) болуп жатат. Адатта каражат мындан аз көлөмдө сыртка чыгарылчу. Буга чейин максималдуу көрсөткүч 2019-жылдын декабрында катталып, 61,2 миллион долларды түзгөн. Бирок быйылкы жаз мезгилинин ортосунан тарта чыгымдын көлөмү кыйла өсүп, мезгил-мезгили менен рекорд коюуда. Ошондой эле чыгым июль айынан бери ай сайын 100 миллион доллардан ашып турду.
Статистикада дагы төмөнкүдөй кызыктуу учурлар көрсөтүлгөн:
адаттагыдай эле сыртка чыккан акчанын басымдуу бөлүгү Россияга туура келет, бирок Түркиянын үлүшү үстүбүздөгү жылдын сентябрь жана октябрь айларында кескин өскөн. 2005-жылдан баштап (дал ушул мезгилден баштап статистика жарыяланат) ушул жылдын августуна чейин ал жакка жалпысынан 40,3 миллион доллар которулган. Бирок сентябрда Түркияга 55,3 миллион доллар, октябрда 57,3 миллион доллар жөнөтүлгөн;
октябрда АКШга которулган акчанын жаңы рекорду катталган – 3,9 миллион доллар (сентябрга караганда 600 миң долларга көп). Буга чейин бир айда АКШга которуулардын максималдуу көлөмү бир миллиондон аз болчу;
ошондой эле Германияга акча көбүрөөк которулду. Сентябрь айында бул багытка рекорддук 2,1 миллион, ал эми октябрда 2,3 миллион доллар жөнөтүлгөн.
ошол эле учурда калган убакытта 9 миллион долларга жетпеген акча жөнөтүлгөн;
бирок ошентсе да акча чыкканга караганда көбүрөөк кирген, сумма октябрь айында 286,9 миллион долларды түздү;
10 айдын ичинде сыртка чыккан акча 939,7 миллион доллар болду. Бул — беш жылдагы абсолюттук рекорд. Салыштыра кетсек, былтыр январь-октябрь айларында өлкөдөн 443 миллион доллар которулган.
