https://sputnik.kg/20221215/sadyr-zhaparov-muras-futbol-turniri-tuuraluu-1071166271.html
Садыр Жапаровдун командасы футбол турниринин финалында утулуп калды
Садыр Жапаровдун командасы футбол турниринин финалында утулуп калды
Sputnik Кыргызстан
Өлкө башчынын командасы турнирде экинчи орунду алган. 15.12.2022, Sputnik Кыргызстан
2022-12-15T22:12+0600
2022-12-15T22:12+0600
2022-12-16T09:13+0600
кыргызстан
садыр жапаров
футбол
оюн
жеңүүчү
спорт
https://sputnik.kg/img/07e6/0c/0f/1071164993_0:91:2835:1686_1920x0_80_0_0_fb487c3585fa9074a3dd5a2a7bb6c401.jpg
БИШКЕК, 15-дек. — Sputnik. Президент Садыр Жапаров катышкан футбол боюнча "Мурас" турниринде "Спорттук федерациялар" командасы жеңишке жетти. Бул тууралуу өлкө башчынын маалымат кызматы кабарлады.Жеңүүчүлөргө чемпиондун өтмө Кубогу жана 400 миң сомдук сертификат тапшырылды. Экинчи орунду Жапаров башында турган "Президенттин командасы" тайпасы ээлеп, байге катары 300 миң сомдук сертификатка ээ болгон.Ал эми үчүнчү орунду алган "Коопсуздук" командасына 200 миң сомдук сертификат, төртүнчү орунга ээ болгон "Достук" командасына 100 миң сом тапшырылган.Ошондой эле үч номинация боюнча мыкты оюнчулар аныкталган:Президент Садыр Жапаров турнирдин жеңүүчүлөрүн куттуктап, спортто жеңишти сатып алууга болбой турганын, демек, күчтүүлөр жеңишке жетерин белгиледи.Ошондой эле мамлекет башчысы коомчулуктун суроо-талабына байланыштуу келерки жылдын жазында өтө турган турнирге 20 жаштан 40 жашка чейинки оюнчуларды командаларга киргизүү тапшырмасын бергенин айтты. "Мурас" турниринин жобосуна ылайык, командаларга 40 жаштан жогорку оюнчулар гана киргизилген."Мурас" турнирин Кыргызстандын футбол союзу менен президенттин администрациясы биргелешип уюштурду. Бул жолку иш-чарага президенттин администрациясы, Жогорку Кеңеш, ата мекендик футболдун ардагерлери, дипломатиялык корпустун жана дин өкүлдөрү, укук коргоо органдарынын, диаспоралардын, облус жана шаарлардын жетекчилери, ооруканалардын башкы дарыгерлери, ЖОЖдордун ректорлору жана мектептердин директорлору, сот бийлигинин, маалымат жана спорт федерацияларынын өкүлдөрү, бизнес жана маданият ишмерлери кирген 16 команда катышты.
https://sputnik.kg/20221215/bishkek-meri-emnege-parlamentke-kelgen-zhok-1071105000.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, садыр жапаров, футбол, оюн, жеңүүчү, спорт
кыргызстан, садыр жапаров, футбол, оюн, жеңүүчү, спорт
Садыр Жапаровдун командасы футбол турниринин финалында утулуп калды
22:12 15.12.2022 (Жаңыртылды: 09:13 16.12.2022) Өлкө башчынын командасы турнирде экинчи орунду алган.
БИШКЕК, 15-дек. — Sputnik. Президент Садыр Жапаров катышкан футбол боюнча "Мурас" турниринде "Спорттук федерациялар" командасы жеңишке жетти. Бул тууралуу өлкө башчынын маалымат кызматы кабарлады.
Жеңүүчүлөргө чемпиондун өтмө Кубогу жана 400 миң сомдук сертификат тапшырылды. Экинчи орунду Жапаров башында турган "Президенттин командасы" тайпасы ээлеп, байге катары 300 миң сомдук сертификатка ээ болгон.
Ал эми үчүнчү орунду алган "Коопсуздук" командасына 200 миң сомдук сертификат, төртүнчү орунга ээ болгон "Достук" командасына 100 миң сом тапшырылган.
Ошондой эле үч номинация боюнча мыкты оюнчулар аныкталган:
"Спорт жылдыздары" командасынын оюнчусу Абдужалил Юнусов турнирдин мыкты дарбазачысы деп табылган;
турнирде 7 гол киргизген "Спорттук федерациялар" командасынын оюнчусу Аскарбек уулу Эрали мыкты чабуулчу аталган;
турнирдин мыкты оюнчусу деп "Достук" командасынын өкүлү Эмилбек Абсаматов таанылган.
Президент Садыр Жапаров турнирдин жеңүүчүлөрүн куттуктап, спортто жеңишти сатып алууга болбой турганын, демек, күчтүүлөр жеңишке жетерин белгиледи.
Ошондой эле мамлекет башчысы коомчулуктун суроо-талабына байланыштуу келерки жылдын жазында өтө турган турнирге 20 жаштан 40 жашка чейинки оюнчуларды командаларга киргизүү тапшырмасын бергенин айтты. "Мурас" турниринин жобосуна ылайык, командаларга 40 жаштан жогорку оюнчулар гана киргизилген.
"Мурас" турнирин Кыргызстандын футбол союзу менен президенттин администрациясы биргелешип уюштурду. Бул жолку иш-чарага президенттин администрациясы, Жогорку Кеңеш, ата мекендик футболдун ардагерлери, дипломатиялык корпустун жана дин өкүлдөрү, укук коргоо органдарынын, диаспоралардын, облус жана шаарлардын жетекчилери, ооруканалардын башкы дарыгерлери, ЖОЖдордун ректорлору жана мектептердин директорлору, сот бийлигинин, маалымат жана спорт федерацияларынын өкүлдөрү, бизнес жана маданият ишмерлери кирген 16 команда катышты.
15 Бештин айы 2022, 13:01
