Кадамжайда ата-баланы өз үйүндө атып, аялын сабап кеткендер изделүүдө

© AFP / RAUL ARBOLEDAТапанча кармап турган адам. Архив
Тапанча кармап турган адам. Архив - Sputnik Кыргызстан, 1920, 19.10.2022
Жазылуу
Шектүүлөр үй ээсинин аялын балта менен чаап, автоунаасын өрттөөгө аракет кылышкан.
БИШКЕК, 19-окт. — Sputnik. Баткен облусунун Кадамжай районунда киши колдуу болгон ата-баланын сөөгү табылды. Бул тууралуу Баткен ОИИБдин маалымат кызматы билдирди.
Ага ылайык, окуя 18-октябрь кечки саат 22:30дар чамасында болгон. Милицияга Марказ айыл аймагынын Көк-Талаа айылынын 61 жаштагы тургуну жана анын 29 жаштагы уулун белгисиз адамдар атып, 59 жаштагы аялын уруп, андан соң из жашырып кеткени тууралуу билдирүү түшкөн.
Бул маалымат ошол эле түнү каттоого алынып, окуя болгон жерге ыкчам тергөө тобу барган.
"Белгилүү болгондой, 18-октябрь күнү саат 22:00дөр чамасында Ш.К. аттуу 61 жаштагы киши эс алып жаткан учурда үйүнө белгисиз адамдар курал-жарак менен кирип, үй ээсин көкүрөк тушка, бетке, андан соң 29 жаштагы уулун башка атып кетишкен. Ш.М. аттуу 59 жаштагы аялды балта менен чаап, мал сарайын өрттөп, короодо токтоп турган автоунаасын өрттөөгө аракет кылып, андан соң из жашырышкан", — деп жазылат маалыматта.
Ок тийген эки киши тең ошол жерден көз жумганы айтылды. Ал эми Ш.М. аттуу аял Кадамжай райондук ооруканасына жеткирилген.
Бул окуя Кадамжай РИИБинин бирдиктүү реестрине Кылмыш-жаза кодексинин 122-беренеси ("Адам өлтүрүү") боюнча катталып, сотко чейинки өндүрүш иши башталган. Киши колдуу болгондорго тиешелүү экспертизалар дайындалып, тергөө тобу иликтөө иштерин баштады. Шектүүлөр изделип жатат.
Муштум түйүп турган адам. Архив - Sputnik Кыргызстан, 1920, 13.09.2022
Ысык-Атада мас болуп аялын сабап өлтүрдү деген киши камакка алынды. Сүрөт
Жаңылыктар түрмөгү
0