https://sputnik.kg/20221018/zhardyrylgan-tunduk-agymdyn-korunushu-1069114401.html
Жардырылган "Түндүк агымдын" суу түбүндөгү көрүнүшү. Биринчи видеокадрлар
Жардырылган "Түндүк агымдын" суу түбүндөгү көрүнүшү. Биринчи видеокадрлар
Sputnik Кыргызстан
Суунун алдына аралыктан башкарылган аппаратты түшүрүшкөн. 18.10.2022, Sputnik Кыргызстан
2022-10-18T20:13+0600
2022-10-18T20:13+0600
2022-10-18T20:13+0600
дүйнөдө
россия
швеция
дания
түндүк агым - 2
https://sputnik.kg/img/07e6/0a/12/1069114231_0:105:1350:864_1920x0_80_0_0_7ee94370da247f3c6285fb69aa416303.png
БИШКЕК, 18-окт. — Sputnik. Швед ЖМКлары "Түндүк агым-1" жана "Түндүк агым-2нин" жардырылган газ түтүктөрүнүн суунун түбүнөн тартылган видеолорун жарыялады. Россиялык куурлардын азыр кандай абалда экендигин видеодон көрүүгө болот.Аны РИА Новости Telegram-каналга койду.Суунун алдына аралыктан башкарылган аппаратты түшүрүшкөн. Видеодон майышкан газ түтүктөрүн көрүүгө болот, андан сырткары, жаракалар, тешилип калган жерлери жана жарылуунун издери байкалып турат. "Жасалган иштин" кесепетин монитор аркылуу көргөн дрондун оператору мындай калың темирди майыштырып иштен чыгаруу үчүн өтө чоң күч талап кыларын айткан."Түндүк агым-1" жана "Түндүк агым-2" газ түтүктөрүнөн газ чыгып жатканы 26-сентябрь күнү белгилүү болгон. Батыштын санкцияларынан улам Siemens турбиналарын оңдоодо маселе жаралгандыктан "Түндүк агымдын" иши августтун аяк ченинен тарта токтогон. Ал эми 2021-жылы курулуп бүткөн "Түндүк агым-2" ишке берилген эмес. Анткен менен эки түтүктө тең газ бар болчу.Nord Stream AG оператор-компаниясы буга чейин мындай авария болбогонун, калыбына келтирүү иштеринин мөөнөтүн болжоп болбой турганын билдирди. Германия менен Дания бийликтери кырсык атайылап жасалышы мүмкүн экенин айтышты.Ал эми Кремль болгон окуяны террордук акт деп баалоодо. Россия президенти Владимир Путиндин айтымында, "англосактар санкцияга ыраазы болбой", эми жалпы европалык энергетикалык инфраструктураны жок кылууга өтүштү. Вице-премьер Александр Новак өз кезегинде "Түндүк агымдарды" иштен чыгарууга аталган долбоорго каршылык көрсөтүп келген мамлекеттер кызыкдар болушу мүмкүн экенин айтып, мындай өлкөлөрдүн катарына АКШны, Украина жана Польшаны кошкон.
https://sputnik.kg/20221003/tunduk-agymdagy-kyrsyktyn-surottoru-1068577298.html
швеция
дания
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, швеция, дания, түндүк агым - 2
дүйнөдө, россия, швеция, дания, түндүк агым - 2
Жардырылган "Түндүк агымдын" суу түбүндөгү көрүнүшү. Биринчи видеокадрлар
Суунун алдына аралыктан башкарылган аппаратты түшүрүшкөн.
БИШКЕК, 18-окт. — Sputnik. Швед ЖМКлары "Түндүк агым-1" жана "Түндүк агым-2нин" жардырылган газ түтүктөрүнүн суунун түбүнөн тартылган видеолорун жарыялады. Россиялык куурлардын азыр кандай абалда экендигин видеодон көрүүгө болот.
Аны РИА Новости Telegram-каналга койду.
Суунун алдына аралыктан башкарылган аппаратты түшүрүшкөн. Видеодон майышкан газ түтүктөрүн көрүүгө болот, андан сырткары, жаракалар, тешилип калган жерлери жана жарылуунун издери байкалып турат. "Жасалган иштин" кесепетин монитор аркылуу көргөн дрондун оператору мындай калың темирди майыштырып иштен чыгаруу үчүн өтө чоң күч талап кыларын айткан.
"Түндүк агым-1" жана "Түндүк агым-2" газ түтүктөрүнөн газ чыгып жатканы 26-сентябрь күнү белгилүү болгон. Батыштын санкцияларынан улам Siemens турбиналарын оңдоодо маселе жаралгандыктан "Түндүк агымдын" иши августтун аяк ченинен тарта токтогон. Ал эми 2021-жылы курулуп бүткөн "Түндүк агым-2" ишке берилген эмес. Анткен менен эки түтүктө тең газ бар болчу.
Nord Stream AG оператор-компаниясы буга чейин мындай авария болбогонун, калыбына келтирүү иштеринин мөөнөтүн болжоп болбой турганын билдирди. Германия менен Дания бийликтери кырсык атайылап жасалышы мүмкүн экенин айтышты.
Ал эми Кремль болгон окуяны террордук акт деп баалоодо. Россия президенти Владимир Путиндин айтымында, "англосактар санкцияга ыраазы болбой", эми жалпы европалык энергетикалык инфраструктураны жок кылууга өтүштү. Вице-премьер Александр Новак өз кезегинде "Түндүк агымдарды" иштен чыгарууга аталган долбоорго каршылык көрсөтүп келген мамлекеттер кызыкдар болушу мүмкүн экенин айтып, мындай өлкөлөрдүн катарына АКШны, Украина жана Польшаны кошкон.
3 Тогуздун айы 2022, 10:21
