Кыргызстан менен Россиянын бийлик өкүлдөрү миграция маселесин макулдашты

© Фото / пресс-служба Министерства труда, социального обеспечения и миграции КРКыргызстан менен Россиянын бийлик өкүлдөрү миграция жаатындагы маселелер боюнча макулдашты
Кыргызстан менен Россиянын бийлик өкүлдөрү миграция жаатындагы маселелер боюнча макулдашты  - Sputnik Кыргызстан, 1920, 15.09.2022
Жазылуу
НовостиTelegram
Министр Базарбаев Россиянын бир катар жооптуу жетекчилери менен жолуккан.
БИШКЕК, 15-сен. — Sputnik. Кыргызстан менен Россиянын бийлик өкүлдөрү миграция жаатындагы маселелер боюнча макулдашты.
Учурда эмгек, социалдык камсыздоо жана миграция министри Кудайберген Базарбаев Москвада иш сапары менен жүрөт. Анын алкагында Россиянын эмгек жана социалдык коргоо министри Александар Котяков, Эмгек жана иш менен камсыз кылуу боюнча федералдык кызматынын жетекчиси Михаил Иванков жана башка жооптуу адамдар менен жолугушкан.
Анда төмөндөгүдөй маселелерди талкуулашты:
Кыргызстандын жарандарын РФте уюшкандыкта жана коопсуз ишке орноштуруу системасын түзүү;
Россиянын эмгек чөйрөсүндөгү мыйзамдарына ылайык мигранттардын эмгек укуктарын коргоо;
эки өлкөнүн эмгек чөйрөсүндө мамлекеттик органдардын өз ара тыгыз иштешүүсүн уюштуруу.
Натыйжада КРдин Эмгек, социалдык камсыздоо жана миграция министрлиги менен РФтин Эмгек жана ишке орноштуруу боюнча федералдык кызматынын ортосундагы эмгек миграциясы тармагында кызматташуу жөнүндө макулдашууга кыска мөөнөттө кол коюу маселесин кароого макулдашышты.
Бул келишим мамлекеттик органдарга тыгыз иштешүүгө жана кыргыз жарандарын Россияда коопсуз жана мыйзамдуу ишке орноштуруу боюнча иш-чараларды өткөрүүгө мүмкүнчүлүк берери белгиленди.
Москва облусунун Бирдиктүү миграциялык борборунун жанындагы адамдар. Архив - Sputnik Кыргызстан, 1920, 09.09.2022
Россияга бараткан жарандар үчүн Бишкек, Ошто миграциялык борборлор ачылат
Жаңылыктар түрмөгү
0