Жакында көп жыл иштеген оорукана жетекчилери кетип, сынак менен дайындалат

© Фото / PexelsДарыгер. Иллюстративдик сүрөт
Дарыгер. Иллюстративдик сүрөт - Sputnik Кыргызстан, 1920, 07.09.2022
Жазылуу
НовостиTelegram
Министрликке көрсөтүлгөн талапкер бул саамалык коррупциялык жолго бөгөт коюуга чоң салым кошот деп эсептейт.
БИШКЕК, 7-сен. — Sputnik. Жакында көп жылдан бери отурган ооруканалардын жетекчилери дагы иштен бошотулуп, сынак аркылуу дайындалат. Бул тууралуу саламаттык сактоо министри кызматына талапкерлиги каралып жаткан Гүлнара Баатырова парламентте билдирди.
Жыйында депутат Руслан Жакышов ооруканаларды менчиги сымал пайдаланган жетекчилер бар экенин, аларды да мектеп директорлорундай кылып кетирүү керектигин айтты.
"Бул менин программамда бар. Көп жылдан бери отурган жетекчилерди алмаштыруу боюнча атайын долбоор иштелип бүтүп калды. Ага ылайык, биринчи аттестациядан өткөрүү менен кадрлар резервин түзүү, кийин алардын ичинен тестирлөө жолу менен конкурстук негизде өтсүн деген талапты коюп жатабыз. Буга адамдык фактор аралашпагандай болот", — деди Баатырова.
Ал мындай саамалык коррупциялык жолго бөгөт коюуга чоң салым кошот деп эсептейт.
Бишкек шаарындагы балдардын медициналык тез жардам ооруканасынын жаңы имаратынын макети - Sputnik Кыргызстан, 1920, 01.09.2022
Бишкекте 4 кабаттуу балдар ооруканасынын курулушу башталды. Сүрөт
Жаңылыктар түрмөгү
0