Кумтөрдөн канча акча түшүүдө? Депутаттар шайлоочулардын талабын айтты

© Sputnik / Эламан КарымшаковКумтөр кени. Архив
Кумтөр кени. Архив - Sputnik Кыргызстан, 1920, 07.09.2022
Жазылуу
НовостиTelegram
Эл өкүлү Теңиз Бөлтүрүк эмнеге кызматтан кеткени суроо жаратып жатканын белгиледи.
БИШКЕК, 7-сен. — Sputnik. Жогорку Кеңештин депутаттары Кумтөрдүн айланасындагы кырдаал боюнча министрлер кабинетинин маалымат беришин талап кылды.
Эл өкүлү Шайлообек Атазов шайлоочулар Кумтөрдүн алтынын сатууда канча киреше түшүп жатканын билүүгө кызыгып жатканын белгиледи.
© Фото / пресс-служба Жогорку КенешаДепутат Жогорку Кенеша Шайлообек Атазов
Депутат Жогорку Кенеша Шайлообек Атазов - Sputnik Кыргызстан, 1920, 07.09.2022
"Кумтөр Кыргызстанга өтсө бакубат жашайбыз, сырткы карыздардан кутулабыз дегенбиз. Бүгүнкү күндө кандай иштеп жатат, Теңиз Бөлтүрүк эмне үчүн жумуштан алынды? Эсеп палатасы кандай текшерүү жүргүзгөнү боюнча маалымат алышыбыз керек. Президенттин, элдин үмүтү акталып жатабы? Бөлтүрүк менен кошо Улуттук банктын төрагасы дагы келип айтып берсин", — деди Атазов.
Ал эми Исхак Масалиев президент Садыр Жапаров Кумтөр келишим боюнча июль айында толук маалымат берүүнү убадалаганын эске салды.
© Sputnik / Табылды КадырбековДепутат Жогорку Кенеша VII созыва Исхак Масалиев
Депутат Жогорку Кенеша VII созыва Исхак Масалиев - Sputnik Кыргызстан, 1920, 07.09.2022
"Бул маселе курч болуп турат, чын эле депутаттар билишибиз керек. Кимге эмне беребиз, кандай пайда-зыяны болуп жатат? Иштин баары бир эле Бөлтүрүктө эмес, ал жөн гана бир аткаруучу, "чагылган таяк" десек болот. Келишимге кол койгон "Кыргыз алтындын" жетекчиси азыр кызматтан кеткен. Башында катышкан бардык кишилерди чакырышыбыз керек", — деди Масалиев.
Өкмөттүн маалыматын угуу сунушун депутат Тазабек Икрамов дагы колдоду.
 Президент Садыр Жапаров. Архивдик сүрөт - Sputnik Кыргызстан, 1920, 27.08.2022
Бир грамм да уурдалбайт! Жапаров Кумтөр алтынынын айланасында түшүндүрмө берди
Жаңылыктар түрмөгү
0