Кыргызстанга алты арабиялык блогер келди. Бири калгысы келерин айтууда
15:41 12.08.2022 (Жаңыртылды: 15:43 12.08.2022)
© Фото / Фонд развития туризма КР
Жазылуу
Блогерлер кереметтүү кыргыз жаратылышы тууралуу билгенден кийин бул жактан тартуу аянтчасын издей башташкан.
БИШКЕК, 12-авг. — Sputnik. Бириккен Араб Эмирлигинен алты популярдуу блогер Кыргызстанга келди. Бул тууралуу Туризмди өнүктүрүү фонду билдирди.
Маалыматка караганда, блогерлер кереметтүү кыргыз жаратылышы тууралуу билгенден кийин бул жактан тартуу аянтчасын издей башташкан. Коноктор борбор калаа менен анын чет жакасын кыдырып, бир эле күндүн ичинде кыргызстандыктардын болуп көрбөгөндөй меймандостугун жана ачыктыгын байкашкан.
1/2
© Фото / Фонд развития туризма КР
Маалыматка караганда, блогерлер кереметтүү кыргыз жаратылышы тууралуу билгенден кийин бул жактан тартуу аянтчасын издей башташкан
2/2
© Фото / Фонд развития туризма КР
Коноктор борбор калаа менен анын чет жакасын кыдырып, бир эле күндүн ичинде кыргызстандыктардын болуп көрбөгөндөй меймандостугун жана ачыктыгын байкашкан
1/2
© Фото / Фонд развития туризма КР
Маалыматка караганда, блогерлер кереметтүү кыргыз жаратылышы тууралуу билгенден кийин бул жактан тартуу аянтчасын издей башташкан
2/2
© Фото / Фонд развития туризма КР
Коноктор борбор калаа менен анын чет жакасын кыдырып, бир эле күндүн ичинде кыргызстандыктардын болуп көрбөгөндөй меймандостугун жана ачыктыгын байкашкан
БАЭден келген кинорежиссёр жана комедия актёру Ахмед Саиф Кыргызстандагыдай жаратылышты дүйнөнүн бир дагы жеринен кезиктирбегенин билдирген. Дагы бир турист жана блогер Омар Хасан Кыргызстанды Грузия менен салыштырып, мындай тоолорду эч жерден көрө электигин белгилеген. Блогерлер биринчи түнүн Чуңкурчактан өткөргөн. Алар боз үйдө жашап, жергиликтүү тамактан даам татып, эттин өзгөчө даамына баа беришкен.
"Көңүлүбүз дароо бул жердеги аба ырайына түштү. Кечээ аэропортто абанын температурасы 10 градуска да жеткен жок. Азыр тоодо күн жылуу, менимче, 30 градус болсо керек. Кечээ биз улуттук тамак-аштан даам сыздык. Мага сиздердин нан жана боорсок абдан жакты. Бизде дагы үч бурчтуу нандар бар, аны мангази деп коёбуз. Мен мекендештеримдин баарына бул тамактарды жеп көрүш керек деп айтар элем. Билесиздерби, мен бул жерде калып жашагым келип жатат", — деди блогер Абдалла Халед.
Бүгүн алар Бурана мунарасына барышат, андан ары Ысык-Көлгө түшүп эс алышат. Каркырага да барууга аракет жасашат. Блогерлер Кыргызстандан дагы петроглифтердин музейин, Рух ордону көрүүнү жана кеме менен сейилдөөнү пландашууда.
