Чолпон-Атага жаңы жетекчи дайындалды. Ал тууралуу эмне белгилүү
© Фото / Зульфия Тургунова
Жазылуу
Буга чейин Чолпон-Ата шаарын Бердибек Иманбеков жетектеп келген.
БИШКЕК, 9-авг. — Sputnik. Жапарбек Ормонов Чолпон-Ата шаарынын мэри болду. Маалыматты аны дайындоо боюнча документке кол койгон Ысык-Көл районунун акими Калыбек Жумадылов тастыктады.
Ал 1973-жылы 23-апрелде Ош облусунун Кара-Суу районундагы Лангар айылында туулган. Жогорку билимдүү. 1997-жылы Ош технологиялык университетин "жүк ташууну уюштуруу жана транспортту башкаруу" адистиги боюнча билим алган. Экономика илимдеринин кандидаты.
Эмгек жолу:
1989-1991 — Кара-Суу районунун "Ленин" колхозунда жумушчу;
1993-1997 — Ош мамлекеттик университетинде комендант;
1997-2000 — Ош технологиялык университети, административдик чарба иштери боюнча проректор;
2000-2001 — Ош мамлекеттик университети, административдик чарба иштери боюнча департаментинин башчысынын орун басары;
2002 — Ош мамлекеттик университети, Маркетинг жана тышкы байланыш бөлүмүнүн жетектөөчү адиси;
2002-2003 — Ош мамлекеттик университети, административдик чарба иштери боюнча департаментинин башчысы;
2003-2014 — Ош мамлекеттик университетинин проректору;
2014-2015 — Ош шаарынын вице-мэри;
2016-жылдын 25-апрелинен тарта Ош шаардык кеңештин төрагасы болчу.
Буга чейин Чолпон-Ата шаарын Бердибек Иманбеков жетектеп келген.
