Пекин: АКШ Кытайды Тайвань аркылуу көзөмөлдөйм деген иллюзиядан арылышы керек

© AP Photo / Andrew HarnikАКШ жана Кытай желектери. Архив
АКШ жана Кытай желектери. Архив - Sputnik Кыргызстан, 1920, 08.08.2022
Жазылуу
Өткөн жуманын башында АКШ Конгрессинин Өкүлдөр палатасынын спикери Нэнси Пелоси Кытай тараптын каршы болгонуна карабай Тайванга барган.
БИШКЕК, 8-авг. — Sputnik. АКШ Тайвандын жардамы менен Кытайды көзөмөлдөө иллюзиясынан арылышы керек. Бул тууралуу Кытайдын Коргоо министрлигинин расмий өкүлү У Цянга шилтеме берип РИА Новости жазды.
"АКШ Пекиндин кызыкчылыктарына каршы чыгып, олуттуу кооптонуусуна себеп боло бергенин токтотуусу керек. Алар бизди Тайвандын жардамы менен көзөмөлдөй алабыз деп ойлосо, жөн гана иллюзия менен жашап жаткан болот. Андыктан Америка бийлигин туура эмес жолдон баш тартууга үндөйбүз", — деди У Цянь.
Ошондой эле ал АКШ өзү жараткан кризиске башкаларды күнөөлөй берет деген пикирин кошумчалады.
"Бул мамлекеттин жетекчилиги өзүнүн туура эмес аракеттерин актап, фактыларды бурмалап, жоопкерчиликти башкаларга оодарууга аракет кылып жатат. Тайвань булуңундагы азыркы кырдаалды толугу менен Кошмо Штаттар провокациялады. Ошондуктан оор кесепеттер үчүн жоопкерчилик тартышы керек", — деди ТИМ өкүлү.
Өткөн жуманын башында АКШ Конгрессинин Өкүлдөр палатасынын спикери Нэнси Пелоси Кытай тараптын каршы болгонуна карабай Тайванга барган. Ал 25 жыл ичинде аралга келген эң жогорку даражалуу америкалык аткаминер болуп калды.
Натыйжада бейшемби күнү Кытай армиясы Тайвандын айланасында ири масштабдуу аскердик машыгууларды баштады.
4-7-августтагы машыгуулардан тышкары Пекин Тайвандын эки фондусуна, Пелосинин өзүнө жана анын үй-бүлөсүнө санкция киргизди. Вашингтон менен климаттын өзгөрүшү боюнча сүйлөшүүлөрдү жана башка кызматташтыкты токтотту.
Мындан тышкары, Тайванга табигый кумду экспорттоого жана аралдан цитрус жемиштерин, балыктын кээ бир түрлөрүн импорттоого тыюу салды. Кытай бийлиги америкалык аткаминердин сапарынын бардык кесепеттери али алдыда экенин жана алар үчүн жоопкерчиликти Вашингтон менен Тайбэй тартаарын билдирүүдө.
Тайвань. Архив - Sputnik Кыргызстан, 1920, 07.08.2022
Тайванга АКШнын артынан Литванын делегациясы барды
Жаңылыктар түрмөгү
0