https://sputnik.kg/20220807/tajvanga-litvanyn-delegaciyasy-bardy-1066599653.html
Тайванга АКШнын артынан Литванын делегациясы барды
Тайванга АКШнын артынан Литванын делегациясы барды
Sputnik Кыргызстан
Литва менен Кытайдын мамилеси Вильнюста Тайвандын расмий өкүлчүлүгү ачылгандан кийин курчуган. 07.08.2022, Sputnik Кыргызстан
2022-08-07T12:14+0600
2022-08-07T12:14+0600
2022-08-07T12:14+0600
кытай
литва
тайвань
мамиле
иш сапар
https://sputnik.kg/img/07e6/08/07/1066599627_0:172:3335:2048_1920x0_80_0_0_85e99b886abd18e9a405f0b51be56d47.jpg
БИШКЕК, 7-авг. — Sputnik. Литванын транспорт жана коммуникациялар министринин орун басары Агне Вайчюкявичюте башында турган Литванын делегациясы Тайванга беш күндүк иш сапары менен барды. Бул тууралуу РИА Новости жазды.Делегация иш сапарынын алкагында Транспорт министрлигинин өкүлдөрү менен жолугушуп, электр автобустары чыккан заводго бара турганы айтылат.Литва менен Кытайдын мамилеси Вильнюста Тайвандын расмий өкүлчүлүгү ачылгандан кийин курчуган. Буга байланыштуу Кытайдын Тышкы иштер министрлиги Литвага нааразылык билдирген. Кийинчерээк Кытай бир тараптуу түрдө Вильнюс менен дипломатиялык мамиленин деңгээлин "төмөндөткөнүн" айткан.Белгилей кетсек, Кытайдын борбордук өкмөтү менен аралдык провинциясынын ортосундагы расмий мамиле 1949-жылы токтогон. Чан Кайши башында турган Гоминьдан Кытай Компартиясы менен болгон жарандык согушта жеңилүүгө дуушар болуп, Тайванга жер которгон. Байланыш 1980-жылдардын соңунда гана жандана баштаган. 1990-жылдын башынан тарта тараптар бейөкмөт уюмдар аркылуу алака түзгөн.Эске салсак, 2-августта АКШ Конгрессинин Өкүлдөр палатасынын спикери Нэнси Пелоси Тайванга барган. Ал сапарга кам көрүп жатканда эле Кытай бийлиги Пелосинин аралга келиши "бирдиктүү Кытай" принцибине каршы келерин жана кырдаалды курчутарын эскерткен. Пелоси учуп келе жаткан учакты Кытай истребителдери тосуп алышы мүмкүн деген божомолдор айтылган. Бирок Кытай тараптан андай аракеттер болгон жок. Пелосинин Тайванга сапары 3-августта аяктаган.Пелосинин сапары Тайвань булуңундагы чыңалууга түрткү болду. Пекин 4-7-августта аскердик машыгуулар болорун жарыялоодон тышкары Тайвандын эки фондуна санкция киргизди. Мындан тышкары, Тайвандан цитрус жемиштерин жана балык азыктарынын айрым түрлөрүн импорттоону токтотту.Тышкы иштер министрлиги Кытай катаал чараларды көрүүгө ниеттенип жатканын, Пекин бир нече айдан бери каршы болуп келген визиттин бардык терс кесепеттери али алдыда экенин ачыктады.
https://sputnik.kg/20220806/kytaj-armiyasy-dagy-bir-iri-mashyguusun-bashtady-1066588046.html
кытай
литва
тайвань
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кытай, литва, тайвань, мамиле, иш сапар
кытай, литва, тайвань, мамиле, иш сапар
Тайванга АКШнын артынан Литванын делегациясы барды
Литва менен Кытайдын мамилеси Вильнюста Тайвандын расмий өкүлчүлүгү ачылгандан кийин курчуган.
БИШКЕК, 7-авг. — Sputnik. Литванын транспорт жана коммуникациялар министринин орун басары Агне Вайчюкявичюте башында турган Литванын делегациясы Тайванга беш күндүк иш сапары менен барды. Бул тууралуу
РИА Новости жазды.
Делегация иш сапарынын алкагында Транспорт министрлигинин өкүлдөрү менен жолугушуп, электр автобустары чыккан заводго бара турганы айтылат.
Литва менен Кытайдын мамилеси Вильнюста Тайвандын расмий өкүлчүлүгү ачылгандан кийин курчуган. Буга байланыштуу Кытайдын Тышкы иштер министрлиги Литвага нааразылык билдирген. Кийинчерээк Кытай бир тараптуу түрдө Вильнюс менен дипломатиялык мамиленин деңгээлин "төмөндөткөнүн" айткан.
Белгилей кетсек, Кытайдын борбордук өкмөтү менен аралдык провинциясынын ортосундагы расмий мамиле 1949-жылы токтогон. Чан Кайши башында турган Гоминьдан Кытай Компартиясы менен болгон жарандык согушта жеңилүүгө дуушар болуп, Тайванга жер которгон. Байланыш 1980-жылдардын соңунда гана жандана баштаган. 1990-жылдын башынан тарта тараптар бейөкмөт уюмдар аркылуу алака түзгөн.
Эске салсак, 2-августта АКШ Конгрессинин Өкүлдөр палатасынын спикери Нэнси Пелоси Тайванга барган. Ал сапарга кам көрүп жатканда эле Кытай бийлиги Пелосинин аралга келиши "бирдиктүү Кытай" принцибине каршы келерин жана кырдаалды курчутарын эскерткен. Пелоси учуп келе жаткан учакты Кытай истребителдери тосуп алышы мүмкүн деген божомолдор айтылган. Бирок Кытай тараптан андай аракеттер болгон жок. Пелосинин Тайванга сапары 3-августта аяктаган.
Пелосинин сапары Тайвань булуңундагы чыңалууга түрткү болду. Пекин 4-7-августта аскердик
машыгуулар болорун жарыялоодон тышкары Тайвандын эки фондуна санкция киргизди. Мындан тышкары, Тайвандан цитрус жемиштерин жана балык азыктарынын айрым түрлөрүн импорттоону токтотту.
Тышкы иштер министрлиги Кытай катаал чараларды көрүүгө ниеттенип жатканын, Пекин бир нече айдан бери каршы болуп келген визиттин бардык терс кесепеттери али алдыда экенин ачыктады.
