"Акыркы көч" эл аралык кинофестивалда калыстар тобунун атайын сыйлыгына татыды

© Фото / Бегим Жолдубай кызы"Акыркы көч" тасмасынан кадр. Архивдик сүрөт
Акыркы көч тасмасынан кадр. Архивдик сүрөт - Sputnik Кыргызстан, 1920, 11.07.2022
Жазылуу
Yandex newsTelegram
Кинокартинада башкы каармандын ролун аткарган Марат Алышпаевге да Ардак грамота ыйгарылган.
БИШКЕК, 11-июл. — Sputnik. "Акыркы көч" тасмасы Россиянын Псков шаарында өткөн "Батыш дарбазасы" III эл аралык кинофестивалда калыстар тобунун атайын сыйлыгын алды. Бул тууралуу аталган фильмдин режиссёрлорунун бири Дастан Жапар уулу социалдык тармактагы баракчасы аркылуу билдирди.
Анын айтымында, кинокартинада башкы каармандын ролун аткарган Марат Алышпаев да Ардак грамотага татыган.
"Эки сыйлык алганыбызга, өзгөчө Марат Алышпаев үчүн абдан кубанып жатабыз. Мыкты эмгек үчүн ал көптөгөн сыйлыктарга татыктуу. Тилекке каршы, актёр бул сыйлыкты көрбөй калды. Эмгегибизди жогору баалаган калыстар тобуна ыраазычылык билдиребиз", — деген Жапар уулу.
"Акыркы көч" тасмасында улгайып калган белгилүү жазуучунун акыркы күндөрү чагылдырылат. Социалдык теңсиздик, жалпы маданият, искусство тармагында эмгектенген адамдардын камкордукка алынбаган абалы баяндалган. Фильм бир катар эл аралык сыйлыктарга татыган.
Народный артист КР, кинорежиссер Артыкпай Суюндуков - Sputnik Кыргызстан, 1920, 13.11.2021
"Шамбаланы" тарткан Артыкпай Сүйүндүков Түркиядан мыкты режиссёр наамын алды
Жаңылыктар түрмөгү
0