Стамбулдагы токойдон 40 жаштагы кыргызстандык аялдын сөөгү табылды

© AFP / DANIEL RAMALHOКиши тапанча менен. Архив
Киши тапанча менен. Архив - Sputnik Кыргызстан, 1920, 23.06.2022
Жазылуу
Полиция кызматкерлери аялдын сөөгүн 21-июнга караган түнү тапкан. Шектүүлөрдүн кармалганы айтылды.
БИШКЕК, 23-июн. — Sputnik. Түркияда кыргызстандык 40 жаштагы К. Н. аттуу аялдын сөөгү табылгандыгын КРдин Стамбулдагы Башкы консулдугунан кабарлашты.
Аны Гиресун провинциясындагы токойдон мындан эки күн мурда, тагыраагы, 21-июндун түнүндө, табышкан.
"Учурда Түркиянын тартип сактоо органдары ыкчам иликтөө-издөө иштерин жүргүзүп жатат. Кылмышка шектүү катары М. А. жана Х. Ч. аттуу кишилер кармалган", — деп айтылган консулдуктун маалыматында.
Haberturk басылмасы аялдын ок жегендигин, себеби денесин карай келгенде атылган белгилер болгондугун жазды.
Маалыматта кармалгандардын бири анын жарандык никеде турган күйөөсү, М. А. аттуу киши кызганычтын айынан аялга кол салгандыгын мойнуна алганы айтылган.
Башкы консулдук бул маселе алардын көзөмөлүндө экендигин билдиришти.
Бычак кармаган киши. Архивдик сүрөт - Sputnik Кыргызстан, 1920, 05.02.2022
Түркияда бычакталган кыргызстандык кыз. ТИМ анын абалын айтты
Жаңылыктар түрмөгү
0