https://sputnik.kg/20220617/mugalimdi-syndagan-okuuchu-tamashalagan-1065341545.html
Тамашалап койду. Мугалимдерди сындаган баланын апасы жана директор эмне дейт
Тамашалап койду. Мугалимдерди сындаган баланын апасы жана директор эмне дейт
Sputnik Кыргызстан
Тараптар бири-бирине доосу жоктугун айтууда. Мектеп жетекчилиги окуучунун дооматын төгүндөп жатат. 17.06.2022, Sputnik Кыргызстан
2022-06-17T16:22+0600
2022-06-17T16:22+0600
2022-06-17T16:23+0600
окуялар
сузак району
бүтүрүүчү
мектеп
сын
мугалим
ичимдик
https://sputnik.kg/img/103945/10/1039451093_0:163:2000:1288_1920x0_80_0_0_c999647daa0fc0ed909b5ae89c3432c1.jpg
БИШКЕК, 17-июн. — Sputnik. Сузакта мугалимдерди жана окутуу системасын сындаган окуучунун билдирүүсү тамаша катары айтылган. Бул тууралуу Sputnik Кыргызстан агенттигине баланын энеси жана мектеп директору, райондук билим берүү башкармалыгынын жетекчиси билдирди.Учурда Жалал-Абад облусуна караштуу Сузак районундагы Аркадий Гайдар атындагы орто мектептин бүтүрүүчүсү мектебин жана мугалимдерди сындаган видеосу соцтармакта кызуу талкууланууда. Ал дене тарбия мугалими ичип келип сабак өтөрүн айтып, англис тилин окутуунун жыйынтыгы нөлгө барабар деп сыпаттаган.Бүтүрүүчүнүн өзүнүн пикирин угуп, жагдай боюнча комментарий алууга ата-энеси уруксат берген жок. Ал арада баланын "айткан сөзүмдү пранк катары кабыл алгыла" деген видеосу тарады.Сузак райондук билим берүү башкармалыгынын жетекчиси Тынчтык Үсөнов ал шаарда окуп жаткандыктан быйыл 11-январда директордун буйругу менен мектептен чыгарылганын билдирди.Ошондой эле ал бүтүрүүчүгө карата эч кандай басым болбогонун белгиледи.Ал эми мектеп директору Сапия Шамшидинова окуучуну апасы ээрчитип келип кечирим сурашканын айтууда. Аны менен катар сын уккан англис тили мугалими ооруканага түшүп калганын билдирди."Бул бала "Акыркы коңгуроого" капыстан келип кошулуп калды. Өспүрүмдөр менен иштөө инспекциясынын кызматкерлери эмнеге антип айтканын сураса "пранк болчу" дептир. Ошол эле күнү салтанаттан кийин бала өзү келип "Жөн эле куттуктайын дегем, капыстан айтылып кетти. Пранк катары кабыл алып коюңуздар" деп кечирим сураган. Англис тили мугалими кан басымы көтөрүлүп ооруканага түшүп калды. Ага да барып кечирим сураптыр. Кечээ апасы дагы баласын ээрчитип келип кечирим сурап кетти. Биз тараптан эч кандай коркутуу же басым болгон жок. Өзүбүз шок абалда калдык. Видео тарап кеткенин көрүп таң калып жатабыз", — деди директор.Бүтүрүүчүнүн апасы Анаргүл Токторбаева да баласы тамаша катары гана айтып койгонун, эч ким басым жасабаганын билдирди.Ошондой эле ал баласы программист курсуна окуйм деп мугалимдеринен, директорунан уруксат алып Бишкекке кеткенин айтты. Мектептен чыгарылган эмес, ушул жакта экзамен тапшырып, аттестат аларын белгиледи.Билим берүү жана илим министрлигинин маалымат кызматы бул жагдай министрликтин көзөмөлүндө турганын билдирди.
https://sputnik.kg/20220526/suzak-okuuchu-mugalim-saboo-miliciya-tergoo-1064710554.html
сузак району
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
окуялар, сузак району, бүтүрүүчү, мектеп, сын, мугалим, ичимдик
окуялар, сузак району, бүтүрүүчү, мектеп, сын, мугалим, ичимдик
Тамашалап койду. Мугалимдерди сындаган баланын апасы жана директор эмне дейт
16:22 17.06.2022 (Жаңыртылды: 16:23 17.06.2022) Тараптар бири-бирине доосу жоктугун айтууда. Мектеп жетекчилиги окуучунун дооматын төгүндөп жатат.
БИШКЕК, 17-июн. — Sputnik. Сузакта мугалимдерди жана окутуу системасын сындаган окуучунун билдирүүсү тамаша катары айтылган. Бул тууралуу Sputnik Кыргызстан агенттигине баланын энеси жана мектеп директору, райондук билим берүү башкармалыгынын жетекчиси билдирди.
Учурда Жалал-Абад облусуна караштуу Сузак районундагы Аркадий Гайдар атындагы орто мектептин бүтүрүүчүсү
мектебин жана мугалимдерди сындаган видеосу соцтармакта кызуу талкууланууда. Ал дене тарбия мугалими ичип келип сабак өтөрүн айтып, англис тилин окутуунун жыйынтыгы нөлгө барабар деп сыпаттаган.
Бүтүрүүчүнүн өзүнүн пикирин угуп, жагдай боюнча комментарий алууга ата-энеси уруксат берген жок. Ал арада баланын "айткан сөзүмдү пранк катары кабыл алгыла" деген видеосу тарады.
Сузак райондук билим берүү башкармалыгынын жетекчиси Тынчтык Үсөнов ал шаарда окуп жаткандыктан быйыл 11-январда директордун буйругу менен мектептен чыгарылганын билдирди.
"Ал бала биздин мектепте окубай калган экен. "Акыркы коңгуроо" салтанатына аны эч ким чакырган эмес, өзү келип катышкан. Кыскасы, ал бизге тиешелүү окуучу эмес. Анын айткан сөзү боюнча териштирдик. Бала өзү англис тили сабагына көп кирбей коёт экен. Болбосо ал мугалимдин көп жылдык тажрыйбасы бар, Эл агартуунун мыктысы. Окуучу менен өз ара пикир келишпестик болгон. Ал эми дене тарбия мугалими беш маал намаз окуп, ичимдик ичпей турганын айтышты", — деди Үсөнов.
Ошондой эле ал бүтүрүүчүгө карата эч кандай басым болбогонун белгиледи.
Ал эми мектеп директору Сапия Шамшидинова окуучуну апасы ээрчитип келип кечирим сурашканын айтууда. Аны менен катар сын уккан англис тили мугалими ооруканага түшүп калганын билдирди.
"Бул бала "Акыркы коңгуроого" капыстан келип кошулуп калды. Өспүрүмдөр менен иштөө инспекциясынын кызматкерлери эмнеге антип айтканын сураса "пранк болчу" дептир. Ошол эле күнү салтанаттан кийин бала өзү келип "Жөн эле куттуктайын дегем, капыстан айтылып кетти. Пранк катары кабыл алып коюңуздар" деп кечирим сураган. Англис тили мугалими кан басымы көтөрүлүп ооруканага түшүп калды. Ага да барып кечирим сураптыр. Кечээ апасы дагы баласын ээрчитип келип кечирим сурап кетти. Биз тараптан эч кандай коркутуу же басым болгон жок. Өзүбүз шок абалда калдык. Видео тарап кеткенин көрүп таң калып жатабыз", — деди директор.
Бүтүрүүчүнүн апасы Анаргүл Токторбаева да баласы тамаша катары гана айтып койгонун, эч ким басым жасабаганын билдирди.
"Балам достору менен тамашалашып атып эле чыгып сүйлөп койгон экен. Даярданып барган эмес. "Эмнеге анттиң, ошондой жерде дагы тамашалайсыңбы" деп урушуп жатабыз. Эми балалык кылыптыр да. Балам сонун окуйт, мугалимдери менен да мамилеси жакшы. Эч кандай көйгөй жок, кыжалат болбогула. Бизге эч ким, эч нерсе айткан жок. Айыл кичинекей, директор, мугалимдери менен да мамилебиз жакшы", — деди Токторбаева.
Ошондой эле ал баласы программист курсуна окуйм деп мугалимдеринен, директорунан уруксат алып Бишкекке кеткенин айтты. Мектептен чыгарылган эмес, ушул жакта экзамен тапшырып, аттестат аларын белгиледи.
Билим берүү жана илим министрлигинин маалымат кызматы бул жагдай министрликтин көзөмөлүндө турганын билдирди.
