Милиция мугалимден таяк жеген кыз боюнча тергөө баштады

© Sputnik / Табылды КадырбековМилиция кызматкери. Архив
Милиция кызматкери. Архив - Sputnik Кыргызстан, 1920, 26.05.2022
Жазылуу
Yandex newsTelegram
Педагог милицияга кызды тарбиялап коюу үчүн сабаганын билдирген.
БИШКЕК, 26-май — Sputnik. Жалал-Абад облустук ички иштер бөлүмү Сузак районуна караштуу Сафаровка айылында мугалимдин окуучу кызды сабашы боюнча окуяга комментарий берди.
Милиция фактыны каттоого алып, алдын ала тергөө амалдарын баштаган. Маалыматка караганда, 23-май күнү саат 12:00дөр чамасында информатика сабагынын мугалими Е.М. уруша кеткен 7-класстын эки окуучусуна эскертүү берген. Алардын бири — мугалимдин кызы.
Тартип сакчылардын айтымында, соцтармактын колдонуучулары мугалим окуучу кызды сабап жаткан видеону тараткан. Бирок текшерүү учурунда роликтин толук версиясы табылган. Анда окуучу мугалим менен айтышып жатканы тартылган.
Педагог милицияга кызды тарбиялап коюу үчүн кол көтөргөнүн билдирген.
Учурда соттук-медициналык экспертиза дайындалып, мугалим менен окуучу суракка алынды.
Окуянын чоо-жайын райондук билим берүү бөлүмүнүн комиссиясы аныктап жатат. Педагогду жумуштан алуу же калтыруу маселеси бүгүн чечилет.
Билим берүү жана илим министри Алмазбек Бейшеналиев - Sputnik Кыргызстан, 1920, 26.05.2022
Министр Бейшеналиев Сузакта мугалимдин окуучуну сабашы боюнча оюн айтты
Жаңылыктар түрмөгү
0