https://sputnik.kg/20220610/marat-kazakbaevdin-olumu-ukmk-bildiruu-1065119933.html
УКМК Марат Казакпаевдин эмнеден улам каза болгону тууралуу маалымат берди
УКМК Марат Казакпаевдин эмнеден улам каза болгону тууралуу маалымат берди
Sputnik Кыргызстан
УКМК саясат таануучунун жактоочулары соңку убакта ооруканага жаткырууну сурап кайрылбаганын айтууда. 10.06.2022, Sputnik Кыргызстан
2022-06-10T19:00+0600
2022-06-10T19:00+0600
2022-06-10T20:06+0600
кыргызстан
окуялар
марат казакпаев
өлүм
укмк
оорукана
https://sputnik.kg/img/104644/15/1046441545_0:27:3067:1752_1920x0_80_0_0_7b80149466fa1f339f7aecc14f7226a5.jpg.webp
БИШКЕК, 10-июн. — Sputnik. Саясат таануучу Марат Казакпаев такай дарыгерлердин көзөмөлүндө болуп, сунушталган дары-дармекти алып, абалы канааттандырарлык болгон. Бул туурасында УКМКнын маалымат кызматы кабарлады.Билдирүүгө ылайык, үстүбүздөгү жылдын 9-мартынан бүгүнкү күнгө чейин кылмыш иши Биринчи май райондук сотунда каралып жатат. Казакпаев ден соолугуна байланыштуу жубайынын кайрылуусунун негизинде 27-апрелден 19-майга чейин Улуттук госпиталдын №1 көз микрохирургиясына "жаңы толук гемофтальм, жогорку миопия, хориоретиналдык дистрофия" диагнозу менен жаткырылган. Ошондой эле ал 25-майда Мирсаид Миррахимов атындагы кардиология борборунда комплекстүү текшерүүдөн өтүп, дарыгерлердин консилиумунан кийин дарылоо башталганы белгиленди.Улуттук коопсуздук мамлекеттик комитети Марат Казакпаевдин үй-бүлөсүнө жана жакындарына терең кайгыруу менен көңүл айтты.Эске салсак, Казакпаевге мамлекетке чыккынчылык кылды деген айып тагылып, былтыр 14-апрелде кармалган. Аны менен кошо Кыргызстандагы казак диаспорасын жетектеп келген Марат Токтоучиков колго түшүрүлгөн. Саясат таануучу УКМКнын тергөө абагында отурган эле.Марат Казакпаев буга чейин Кыргыз-Россия Славян университетинин эл аралык мамилелер факультетинде сабак берген. КР Улуттук илимдер академиясынын Экономика институтундагы эл аралык көйгөйлөр бөлүмүндө илимий кызматкер, "Полис Азия" аналитикалык борборунда адис болгон.
https://sputnik.kg/20210414/sayasat-taanuuchu-marat-kazakbaev-karmaldy-1052122118.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, окуялар, марат казакпаев, өлүм, укмк, оорукана
кыргызстан, окуялар, марат казакпаев, өлүм, укмк, оорукана
УКМК Марат Казакпаевдин эмнеден улам каза болгону тууралуу маалымат берди
19:00 10.06.2022 (Жаңыртылды: 20:06 10.06.2022) УКМК саясат таануучунун жактоочулары соңку убакта ооруканага жаткырууну сурап кайрылбаганын айтууда.
БИШКЕК, 10-июн. — Sputnik. Саясат таануучу
Марат Казакпаев такай дарыгерлердин көзөмөлүндө болуп, сунушталган дары-дармекти алып, абалы канааттандырарлык болгон. Бул туурасында УКМКнын маалымат кызматы кабарлады.
Билдирүүгө ылайык, үстүбүздөгү жылдын 9-мартынан бүгүнкү күнгө чейин кылмыш иши Биринчи май райондук сотунда каралып жатат. Казакпаев ден соолугуна байланыштуу жубайынын кайрылуусунун негизинде 27-апрелден 19-майга чейин Улуттук госпиталдын №1 көз микрохирургиясына "жаңы толук гемофтальм, жогорку миопия, хориоретиналдык дистрофия" диагнозу менен жаткырылган. Ошондой эле ал 25-майда Мирсаид Миррахимов атындагы кардиология борборунда комплекстүү текшерүүдөн өтүп, дарыгерлердин консилиумунан кийин дарылоо башталганы белгиленди.
"19-майдан 9-июнга чейин Марат Казакпаевдин адвокаттары медициналык мекемелерге жаткыруу жөнүндө арыз менен кайрылган эмес. Мындан тышкары, ал сот процесстерине өзү катышып жүргөн. 9-июнда эртең менен абалы кескин начарлап кеткендигине байланыштуу УКМКнын демилгеси менен Казакпаев Бишкектеги №1 клиникалык ооруканага жаткырылган. Ага "геморрагиялык инсульт" деген диагноз коюлган. Ооруканада жаткан саясат таануучу 10-июнда саат 14:31де мээнин сөңгөгүндөгү интрацеребралдык кан куюлуудан каза болду", — деп айтылат малыматта.
Улуттук коопсуздук мамлекеттик комитети Марат Казакпаевдин үй-бүлөсүнө жана жакындарына терең кайгыруу менен көңүл айтты.
Эске салсак, Казакпаевге мамлекетке чыккынчылык кылды деген айып тагылып, былтыр 14-апрелде кармалган. Аны менен кошо Кыргызстандагы казак диаспорасын жетектеп келген Марат Токтоучиков колго түшүрүлгөн. Саясат таануучу УКМКнын тергөө абагында отурган эле.
Марат Казакпаев буга чейин Кыргыз-Россия Славян университетинин эл аралык мамилелер факультетинде сабак берген. КР Улуттук илимдер академиясынын Экономика институтундагы эл аралык көйгөйлөр бөлүмүндө илимий кызматкер, "Полис Азия" аналитикалык борборунда адис болгон.
