Эксперт: Европа 2022-жылы Россиянын газысыз жашай албайт

© AFP / BARBARA SAX Газ оту. Архив
Газ оту. Архив - Sputnik Кыргызстан, 1920, 29.05.2022
Жазылуу
REPowerEU планында ЕБ россиялык газдын импортун жыл аягына чейин 100 миллиард куб метрге чукул азайтуу туурасында белгилеген.
БИШКЕК, 29-май — Sputnik. Европага Россиядан жеткирилген суюлтулган табигый газдын кошумча көлөмүн тез алмаштырууга мүмкүн болбогондуктан, кышка чейин Россиянын көгүлтүр оту жок чыдай албайт. Бул тууралуу РИА Новостиге Стратегиялык иштер борборунун жетекчисинин "Отун энергетикалык комплексинин экономикалык бөлүмү" багыты боюнча орун басары Сергей Колобановго таянып кабарлады.
"2022-жыл жана 2023-жылдын кышында Европа россиялык газсыз кыштан чыга албайт: суюлтулган табигый газдын муктаждыгын тезирээк алмаштырууга мүмкүн эмес", — деп айткан Колобанов.
Агенттиктин маектеши жеткирүү, орнотуу жана газтранспорттук системаларга кайра газдаштыруу терминалдарын кошуу, ижара боюнча келишимдерди түзүүгө кеминде жарым жылга чукул убакыт кетерин айткан.
Эксперт азырынча европалыктар россиялык газ куурунан келген көгүлтүр оттуу колдонууну 2022-жылы болжол менен 30 миллиард куб метрге азайтат деп күтсө болорун божомол кылды. Россиядан Европага кеткен газдын азайышы жана башка мамлекеттерден да келген көрсөткүч өскөнү акыркы төрт айда байкалганын, тагыраагы, кайра баланстоо башталгандыгын айтты. Анткен менен анын аякташы 2024-2025-жылдан эрте болбой турганын кошумчалады.
Россиянын Украинадагы атайын операцияларынан кийин Европалык комиссия REPowerEU планын иштеп чыккан. Ал россиялык газдын импортун үчтөн экиге кыскартууну көздөйт, тагыраагы, жыл аягына чейин аны азайтууну 100 миллиардга чукул деп белгилеген.
Эл аралык энергетикалык агенттиктин маалыматтарына караганда, Евробиримдик 2021-жылы Россиядан 155 миллиард куб жаратылыш газын алган. Бул европалык импорттун көлөмүнүн 45 пайызын, ал эми жалпы колдонулган көлөмдүн 40 пайызын түзгөн. Европалык биримдиктин чет элдик иштер жана коопсуздук саясаты боюнча жогорку өкүлү Жозеп Боррель аталган союзга кирген өлкөлөр россиялык газдан эки жылдын ичинде баш тартып калат деп эсептеген.
ЕБдин чет элдик иштер жана коопсуздук саясаты боюнча жогорку өкүлү Жозеп Боррель - Sputnik Кыргызстан, 1920, 05.05.2022
Боррель: Евробиримдикте Россиядан газ алууну токтотуу маселеси каралбайт
Жаңылыктар түрмөгү
0