Бокс боюнча дүйнө чемпиону Дмитрий Бивол жөнүндө кызыктуу фактылар
© AP Photo / John Locher
Жазылуу
Дмитрий Бивол 1990-жылы 18-декабрда Чүй облусунун Токмок шаарында туулган. Кийин үй-бүлөсү менен Россияга көчүп кеткен.
Сиздерге Дүйнөлүк бокс бирикмесинин (WBA) жарым оор салмактагы чемпиону жөнүндө кызыктуу фактыларды сунуштайбыз.
Мушташкан тасмаларды көрүп спорт менен алектене баштаган;
Алгач ушу менен машыккан. Бирок спорттун ал түрү жакпай койгондуктан, аны атасы бокска алып барган;
Эки жогорку билимдүү. Бивол Санкт-Петербург шаарындагы Лесгафта атындагы Дене тарбия, спорт жана ден соолук университетин жана Кубандагы агрардык университетти юрист адистиги боюнча аяктаган;
Болочоктогу келинчеги менен 16 жашында Санкт-Петербургдагы эл аралык аэропортто таанышкан;
Спорт сүйүүчүлөр арасында 283 беттеш өткөрүп, 72-81 салмактагылар арасында 15 жолу утулган;
Кичүү Жо Смит менен рингге чыкканда 208 так сокку урса, каршылашы 39 жолу гана көздөгөн жерине тийгизген;
19 ири спорттук мелдеште (Россия, Европа, дүйнө) күч сынашып, 14 жолу биринчи орунду, эки ирет экинчи жана үчүнчү орунду алып, бир жолу бешинчи орунга татыган;
"Нокаут года", "Звезда дворца" ардактуу наамдардын ээси, "В области спорта" сыйлыгынын лауреаты;
Дмитрийдин атасы дайыма уулунун беттештерине катышып, рингдин бурчунда турат.
