Депутат: оң рулдуу таксилердин иштешин чектеп, элди удургута бербейли

© Sputnik / Наталья Селиверстова / Медиабанкка өтүүТакси. Архив
Такси. Архив - Sputnik Кыргызстан, 1920, 21.04.2022
Жазылуу
Депутат такси кызматында иштегендердин 60 пайызы оң рулдуу автоунааларды айдай турганын белгиледи.
БИШКЕК, 21-апр. — Sputnik. Жогорку Кеңештин депутаты Камила Талиева оң рулдуу унаалар менен такси кызматында иштөөгө тыюу салып элди удургутпоого чакырды.
© Sputnik / Табылды КадырбековЖогорку Кеңештин депутаты Камила Талиева
Депутат Жогорку Кенеша Камила Талиева - Sputnik Кыргызстан, 1920, 21.04.2022
Жогорку Кеңештин депутаты Камила Талиева
Белгилей кетсек, Жол кыймылы коопсуздугун камсыздоо башкы башкармалыгы оң рулдуу автоунаа менен такси кызматын көрсөтүүгө тыюу салуу мыйзам долбоорун иштеп жатканы маалым болгон.
"Такси кызматында иштегендердин 60 пайызы оң рулдуу автоунааларды айдайт. Кайра-кайра эле ушул маселени алып чыгып коомчулукту удургута бербей, альтернативдүү вариант болгондо гана көтөрсөк. Аларды жумуш менен камсыз кылсак. Ушул маселеде этият болсок дегим келет", — деди Талиева.
Кыргызстанда оң рулдуу автоунааларды коммерциялык максатта колдонууга тыюу салган мыйзам бар. Ал 2013-жылы кабыл алынып, 2016-жылдын 1-январынан тартып күчүнө кирген. Андан кийин айрым депутаттар Ички иштер министрлигинде документтин аткарылышын көзөмөлдөө механизмдери жок болгондугуна байланыштуу аны жокко чыгарууну сунушташкан.
Сөз болуп жаткан автоунааларды таксиде пайдаланууга тыюу салуу маселеси 2018-жылдан тарта көтөрүлүп, бирок парламентарийлер бул сунушту жактырган эмес. Андан тышкары, таксисттер өздөрү да митингге чыгып, жумушсуз каларын, такси паркында машиналар азаярын айтышкан. 2017-жылы тыюу салууну 2020-жылдан тарта күчүнө киргизе турган мыйзамга кол коюлган.
Анткен менен 2019-жылы Жогорку Кеңеште 2025-жылга чейин жылдыруу маселеси көтөрүлүп, министрлер кабинети бул идеяны колдогон.
Жол кыймылы коопсуздугун камсыздоо башкы башкармалыгынын (ЖКККББ) жетекчиси Азамат Исраилов - Sputnik Кыргызстан, 1920, 24.02.2022
ЖКККББнын башчысы оң рулдуу унааларга каршылыгынын негизги себебин айтты
Жаңылыктар түрмөгү
0