Балыкчыда учкан "Байрактар", жалындаган танк. Аскердик машыгуудан 16 ирмем

Президент, КРдин Куралдуу күчтөрүнүн Башкы колбашчысы Садыр Жапаров 31-мартта "Калкан — 2022" атайын тактикалык машыгуусунун активдүү фазасына көз салды

Атайын багыттагы бөлүктөр заманбап курал-жарактарды, аскердик жана атайын техникаларды, сооттолгон "ТИГР" техникаларын колдонду

Аскердик машыгууга катышып жаткан жоокер

Бул машыгуулар Кыргызстандын күч түзүмдөрүнүн аракеттеринин ырааттуулугун жана күжүрмөн даярдыгын текшерүүгө багытталган. Президент Садыр Жапаров жана УКМК жетекчиси Камчыбек Ташиев машыгуунун жүрүшүн талкуулап жатат

Машыгуу Балыкчы шаарындагы "Эдельвейс" окуу борборунда өттү

Сунушталган машыгуу сценарийи мамлекеттик чек арадагы реалдуу жагдайга болушунча жакындатылган

Машыгуунун жүрүшүнө көз салып турган президент Садыр Жапаров

Бул айтылуу "Байрактар ТБ-2" деп аталган сокку уруучу пилотсуз учагы. Алар 2021-жылы республикалык бюджеттин каражаттарына сатылып алынган.

Мээленген бута. Бул машыгуу күжүрмөн аракеттерди жүргүзүүдө чек ара отрядынын башкаруу органдарынын, бөлүктөрүнүн жана өз ара иштеше турган күч түзүмдөрүнүн ырааттуулугун жогорулатууга мүмкүндүк берди.

Машыгуу учурунан бир көрүнүш

"Калкан — 2022" машыгуусунун негизги максаты — мыйзамсыз куралдуу түзүлүштөрдү жок кылуу боюнча операцияларды даярдоо жана өткөрүү, аскерлерди башкаруу экени айтылды

Машыгууга Улуттук коопсуздук мамлекеттик комитетинин, Коргоо министрлигинин, Өзгөчө кырдаалдар министрлигинин жана Ички иштер министрлигинин бөлүктөрү катышты

Машыгуулар аяктагандан кийин Президент Садыр Жапаров сөз сүйлөп, анда аскерлердин даярдыгынын жогорку деңгээлин белгиледи

Андан соң машыгуулардын катышуучуларынын салтанаттуу өтүшү болду

"Калкан — 2022" машыгуусунан бир көрүнүш

"Калкан — 2022" машыгуусунан кийин Жапаров аскерлер менен чогуу тамактанды