Баткенде үч прокурор иштен алынды

© Sputnik / Илья Питалев / Медиабанкка өтүүАткаминер. Архив
Аткаминер. Архив - Sputnik Кыргызстан, 1920, 26.03.2022
Жазылуу
Прокурорлордун кызматтан бошотулушуна айыл өкмөттөгү жер бөлүштүрүүдөгү мыйзамсыз иштер себеп болгондугу, учурда тергөө жүрүп жаткандыгы айтылды.
БИШКЕК, 26-мар. — Sputnik. Баткен облусунун прокурору Нуркамал Набиев, Лейлек районунун прокурору Жуманазар Асатов жана Сүлүктү шаарынын прокурору Курман Халмурзаев кызматтан алынды. Бул маалыматты Башкы прокуратуранын маалымат кызматынын жетекчиси Сирожиддин Камалдинов тастыктады.
"Үч прокурор кызматтан бүгүн алынды. Жаңы-Жер айыл өкмөтүндөгү (Лейлек районунда – ред.) жер бөлүштүрүү боюнча иш тергелип жатат, мыйзамдуу чечим кабыл алынышы үчүн алар ээлеген кызматтарынан бошотулду", — деди Камалдинов.
Буга чейин журналист Ыдырыс Исаков аталган айылдагы жерди бөлүштүрүү мыйзамсыз болуп жатат деген материал даярдаган. Анда бул маселеде бир катар прокурорлордун катыштыгы бардыгын айткан эле. ЖК депутаты Балбак Түлөбаев да ЖКнын отурумунда маселе көтөрүп, жергиликтүү элдин ага кайрылып жаткандыгын билдирген. Президенттин Баткендеги ыйгарым укуктуу өкүлү Башкы прокуратуранын ал жердеги өкүлдөрүнө кайрылып, ишти териштирүү зарылдыгын айткан.
Сокулук районунун акиминин орун басары Самаган Мурcалиев - Sputnik Кыргызстан, 1920, 11.01.2022
Сокулук: ажаткананын ачылышында тасма кескен акимдин орун басары иштен алынды
Жаңылыктар түрмөгү
0