Радиостудия Sputnik Кыргызстан в Бишкеке - Sputnik Кыргызстан, 1920
Радио

Агроном: өлкөдө шор баскан аймактар көбөйдү

© Sputnik / Табылды КадырбековАйыл чарба министрлигинин коомдук кеңешинин төрагасы, агроном Турусбек Асаналиев
Айыл чарба министрлигинин коомдук кеңешинин төрагасы, агроном Турусбек Асаналиев - Sputnik Кыргызстан, 1920, 15.03.2022
Жазылуу
НовостиTelegram
Айыл чарба министрлигинин коомдук кеңешинин төрагасы, агроном Турусбек Асаналиев Кыргызстанда топуракты шор баскан жерлер көбөйгөнүн айтты.
Өлкөдө топурак таануу институту аксап турат. Топурактын сапатын жакшыртуу үчүн конкреттүү программа керек. Бул тууралуу Турусбек Асаналиев Sputnik Кыргызстан радиосунда маек куруп жатып билдирди.
Агроном: өлкөдө шор баскан аймактар көбөйдү
Анын айтымында, акыркы мезгилде дыйкандар топурактын курамында минералдык заттардын жетишпестигин көп кездештирүүдө.
"Дыйканчылык топурактын анализинен башталат. Бүгүнкү күндө топурак таануу институтунун иши дээрлик жок. Айыл чарбасында топурак жана сапаттуу үрөнгө абдан чоң маани берилиши кажет. Тилекке каршы, Кыргызстандын төмөнкү зоналарында, анын ичинде Чүй боорунда, Ошто, Нарында, Ысык-Көлдө дагы шор баскан жерлер көп. Шор көтөрүлүп, топурактын сапатын начарлатып түшүм жакшы болбой калды. Бул боюнча атайын программа кабыл алып, аны чечүү үчүн алгылыктуу иштер жасалышы керек", — деди Асаналиев.
Ошондой эле адис шор көтөрүлгөн жерлерде топурактын курамындагы кальций, натрийди эсептеп, жер семирткичтерди себүү зарылдыгын кошумчалады.
Жаңылыктар түрмөгү
0