Президенттин маалымат катчысы: өлкөлөр аралык кастыкты козутуудан алыс болгула!

© Пресс-служба президента КР / Султан ДосалиевПрезиденттин маалымат катчысы Эрбол Султанбаев. Архив
Президенттин маалымат катчысы Эрбол Султанбаев. Архив - Sputnik Кыргызстан, 1920, 06.03.2022
Жазылуу
НовостиTelegram
Өлкө башчынын маалымат катчысы Кыргызстанда сөз эркиндиги болуп келгенин жана боло берерине токтолгон.
БИШКЕК, 6-мар. — Sputnik. Сөз эркиндигине жамынып, жалган маалымат таратууга жол берилбейт. Бул тууралуу президенттин маалымат катчысы Эрбол Султанбаев ЖМКларга кайрылуусунда айтты.
Ал ушу тапта дүйнө коомчулугу дүрбөлөң түшүп, абал тынч эмес экенине токтолгон.
"Урматтуу кыргызстандыктар жана ММКнын өкүлдөрү! Сиздерден сураныч, дүйнө коомчулугу дүрбөлөңгө түшүп турганда жалган маалыматтарды таратпаңыздар. "Интернеттен алдык" деп эле жалган маалыматтарды жеке менчик телевидениеден таратып, мамлекеттер аралык кастыкты козутуудан алыс болсоңуздар. Анан мыйзам чегинде териштире баштаса "сөз эркиндигин ооздуктап жатат" деп айтып чыгасыздар. Сөз эркиндиги болуп келген жана боло берет. Эч ким сөз эркиндигин чектеген жок. Ошол эле маалда сөз эркиндигине жамынып алып жалган маалыматтарды жеке телевидение жана башка маалымат булактарынан таратууга жол берилбесин эстен чыгарбоо маанилүү", — деген Султанбаев.
Ал Кыргызстан жөнүндө кандайдыр бир күмөн жараткан маалымат таратардан мурда расмий булактарга кайрылып, жооп алуу зарылдыгын белгилеген.
Бишкектеги Өкмөтүнүн үйү. Архив - Sputnik Кыргызстан, 1920, 05.03.2022
Садыр Жапаровго кантип кайрылса болот. Жол-жобосу
Жаңылыктар түрмөгү
0