Коррупцияга аралашкан. УКМК "Айыл Банктын" мурдагы кызматкерлерин кармады

© Фото / пресс-служба "Айыл Банк""Айыл Банк" ААК. Архив
Айыл Банк ААК. Архив - Sputnik Кыргызстан, 1920, 10.02.2022
Жазылуу
Банктын кызматкерлери жеке ишканага күрөөнү жасалма түрдө көбөйтүү менен насыя берип, мамлекетти зыянга учураткан деп айыпталууда.
БИШКЕК, 10-фев. — Sputnik. "Айыл Банк" ААКнын жооптуу кызматтарында иштеп кеткен төрт киши кармалганын УКМК кабарлады.
Ага ылайык, 2017-жылы "Айыл Банк" ААК "Россиф" ЖЧКсына күрөөнү жасалма көбөйтүп 3,5 миллион доллар (295,7 млн. сом) өлчөмүндө насыя берип, мамлекетти зыянга учураткан.
"Россиф" ишканасы банкка күрөөгө койгон 348,5 миллион сомдук мүлк Юстиция министрлигине караштуу Мамлекеттик соттук-эксперттик кызматынын баасы боюнча болгону 271,8 миллион сомду түзүп, ортодогу айырма 76,6 миллион сом болгону аныкталган.

"Жүргүзүлгөн ыкчам тергөө иш-чараларынын натыйжасында 8-февралда УКМК тарабынан насыяларды берүүдө коммерциялык субъектилердин кызыкчылыктарын көздөө боюнча туруктуу коррупциялык схеманы түзгөн "Айыл Банк" ААКнын мурдагы жооптуу кызматкерлери кармалган", — деп жазылган маалыматта.

Шектүүлөр УКМКнын убактылуу кармоочу жайына киргизилген. Аларга Кылмыш-жаза кодексинин 336-беренесинин 1-бөлүгү ("Коррупция") боюнча кылмыш иши козголду.
Тергөө амалдары жүргүзүлүп, процессуалдык чечимдер кабыл алынмакчы. Ошондой эле бул кылмышка тиешеси бар адамдарды аныктоо иштери улантылууда.
Ысык-Көл-Аврора санаторийи. Архив - Sputnik Кыргызстан, 1920, 07.02.2022
Көлдө кымбат 83 объектини менчиктеп алышкан. УКМК коррупциялык схеманы тапты
Жаңылыктар түрмөгү
0