Радиостудия Sputnik Кыргызстан в Бишкеке - Sputnik Кыргызстан, 1920
Радио

Сыдыков: жокко чыгарууга сунушталган 138 мыйзам дээрлик кайталангандар

© Sputnik / Асель СыдыковаЮстиция министринин орун басары Орозбек Сыдыков
Юстиция министринин орун басары Орозбек Сыдыков - Sputnik Кыргызстан, 1920, 24.01.2022
Жазылуу
Юстиция министринин орун басары Орозбек Сыдыков Кыргыз ССРи кабыл алган айрым мыйзамдар ушул күнгө чейин иштеп турарын айтты.
Жокко чыгарууга сунушталган 138 негизги мыйзамдын көпчүлүгү бири-бирин кайталагандар жана арасында Кыргыз ССРи учурунда кабыл алынып, учурда Кыргыз Республикасы кабыл алган жаңы редакциясы иштеп жаткандыктан күчүн жоготкондору бар. Биз мындай мыйзамдарды да ушул жокко чыгарууга сунушталган 138 негизги мыйзамга коштук. Бул тууралуу Орозбек Сыдыков Sputnik Кыргызстан радиосунда маек куруп жатып билдирди.
Сыдыков: жокко чыгарууга сунушталган 138 мыйзам дээрлик кайталангандар
Анын айтымында, өлкөдө СССР маалында кабыл алынган мыйзамдар 2009-жылдын 31-декабрына чейин иштеп турган.
"Биздин өлкө СССР курамына киргендиктен учурунда Москвадан кабыл алынып, эгемендүү Кыргызстанда иштеп турган мыйзамдар болгон. Ошол эле маалда Кыргыз Социалисттик Советтик Республикасы СССРдин бир субъекти катары өз алдынча кабыл алган мыйзамдар болгон. Учурдагы эгемендүү өлкөнүн аймагында СССР кабыл алган мыйзамдар 2009-жылдын 31-декабрына чейин иштеп турган. Бирок Кыргыз ССРи кабыл алган айрым мыйзамдар ушул күнгө чейин актуалдуулугун жоготпой келет. Мисалы, Токтогул ГЭСи боюнча Кыргыз ССРинин мыйзамы азыр да аракетте, аны алып туруп эле жокко чыгарып сала албайбыз, анткени объект өзү иштеп жатат. Ушул сыяктуу эле Кыргыз ССРинин Турак жай кодексин 2013-жылга чейин колдонуп келдик. Жаңы редакциясы кабыл алынган соң бул мыйзам актуалдуулугун жоготту. Мына ушундай эле сыйлык жана наамдарды бекитүү боюнча Кыргыз ССРинин мыйзамы бар. Анын дагы жаңы редакциясы 2017-жылы кабыл алынгандыктан жокко чыгарыла турган 138 мыйзамдын ичине кирди. Ушул сыяктуу башка да мыйзамдар бар. Буларды биз СССРдин мыйзамдары менен чаташтырбашыбыз зарыл", — деди Сыдыков.
Ал жокко чыгарууга сунушталган негизги мыйзамдардын тизмеси менен Юстиция министрлигинин сайтынан таанышып алса болорун кошумчалады.
Жаңылыктар түрмөгү
0