ЖМК: Түндүк Корея учурган эки ракета Япон деңизине түштү

© REUTERS / KCNAТүндүк Корея учурган ракета
Түндүк Корея учурган ракета  - Sputnik Кыргызстан, 1920, 14.01.2022
Жазылуу
Япониянын премьер-министри Фумио Кисида тез арада кризистик штаб түзүп, ага үч тапшырма берди. Алгач алар абалды байкап, элге маалымат жеткирип, ошондой эле күтүүсүз кырдаалдарга даяр турушу керек.
БИШКЕК, 14-янв. — Sputnik. Түндүк Корея учурган баллистикалык эки ракета Япон көлүнө түштү. Бул тууралуу жергиликтүү ЖМКларга шилтеме берип РИА Новости жазды.
Түндүк Корея бүгүн ракета учургандыгы тууралуу маалыматты Түштүк Кореянын Штабдар начальниктеринин бириккен комитети кабарлаган.
"Түштүк Кореянын аскерлери түндүктөгү Пхенан-Пукто провинциясы тарапта эки ракетанын учурулганын байкаган. Болжолдуу алар жакын аралыкка багытталган баллистикалык ракеталар экени айтылган", — деп жазылат кабарда.
Ал эми Япония бийлиги ракеталар сууга түшкөнүн тастыктады. Тагыраагы, Япон деңизине түшкөнү айтылып, учурда ага жакын жердеги кемелердин бардыгын алыстатуу тапшырмасы берилди.
Жергиликтүү Киодо маалымат агенттигинин өкмөттөгү маалымат булактарына таянып жазганына караганда, япон премьер-министри Фумио Кисида тез арада кризистик штаб түзүп, ага үч тапшырма берди. Алгач алар абалды байкап, элге маалымат жеткирип, ошондой эле күтүүсүз кырдаалдарга даяр турушу керек.
Эске салсак, бул Түндүк Кореянын быйылкы жылдагы эле үчүнчү ракетасы. Алгач бешинчи, андан соң 11-январда учурулган ракеталар сыноодон ийгиликтүү өткөнүн Пхеньян өзү билдирген.
Өткөн жылы дал ушундай окуялар бир нече ирет кайталанган. Эл аралык ЖМКлар мамлекет 27 жана 30-сентябрь күндөрү эртең менен кезектеги баллистикалык ракеталарын текшерүү үчүн учурганын жазышкан. Анда дагы Япония тынчсыздануусун билдирген. Бул кадамды АКШ Кореянын коңшуларына, дегеле бүткүл дүйнөгө кооптуу деп эсептей турганын айтып, диалогго чакырган. Бирок Түндүк Кореянын лидери Ким Чен Ын АКШнын бул сунушун жөн гана душмандык мамилесин жаап-жашыруу аракети катары кабыл алып, диалогдон баш тарткан.
Түштүк Кореянын чек ара кызматкери. Архив - Sputnik Кыргызстан, 1920, 02.01.2022
Тосмодон ашып өтүп. Түштүк Корея КЭДРге качып кеткен кишини иликтөөдө
Жаңылыктар түрмөгү
0
Алгач жаңыларыАлгач эскилери
loader