Радиостудия Sputnik Кыргызстан в Бишкеке - Sputnik Кыргызстан, 1920
Радио

Сатыбалдиева: балык тандоодо канаттарына, көзүнө көңүл буруу зарыл

© Sputnik / Асель СыдыковаБишкек шаардык санитардык-эпидемиологиялык көзөмөлдөө борборунун санитардык дарыгери Үмүт Сатыбалдиева
Бишкек шаардык санитардык-эпидемиологиялык көзөмөлдөө борборунун санитардык дарыгери Үмүт Сатыбалдиева - Sputnik Кыргызстан, 1920, 12.01.2022
Жазылуу
Бишкек шаардык санитардык-эпидемиологиялык көзөмөлдөө борборунун санитардык дарыгери Үмүт Сатыбалдиева тамак-аш коопсуздугунда өздүк гигиена да абдан маанилүү экендигин айтты.
Балык сатып аларда көзүн кароо зарыл, анын көзүнүн кареги тунук болушу керек. Бозомтук болсо, демек, балык эскирип калган дегенди түшүндүрөт. Ошондой эле балыктын эскиргенин анын боорундагы канаттарынан да байкаса болот. Бул тууралуу Үмүт Сатыбалдиева Sputnik Кыргызстан радиосунда маек куруп жатып билдирди.
Сатыбалдиева: балык тандоодо канаттарына, көзүнө көңүл буруу зарыл
Анын айтымында, консерва тандоодо анын таңгагынын бүтүндүгүнө көңүл буруу зарыл.
"Тамак-аш коопсуздугунда алгач эле аны сатып алууда көңүл буруучу жагдайлар бар. Мисалы, чыккан мөөнөтү, сакталып турган жери, кошулмалары абдан маанилүү. Ошону менен катар эле таңгагы түз, эч жери чийилбеген, кыйшайбай, мырыйбай турушу шарт. Адатта сатып алуучулар мөөнөтүнө эле көңүл буруп, таңгактагы анча-мынча деффектилерге маани беришпейт. Бирок ошол мырыйган жеринен кичинекей жарака кетип деле зыяндуу заттар кирип калышы толук ыктымал. Мындан сырткары, балык алууда өтө этият болуу керек. Ал абдан тез бузулуучу азык. Балыкты колдон келсе көчөдөн эмес, ишеничтүү гана дүкөндөрдөн алган жакшы. Сатып алып жатканда тиешелүү документтерин суроодон тартынбаңыз. Жок дегенде анын көзүнүн карегин карап, бозомтук тартып турса албай эле койгон оң. Анткени мындай балык көпкө сакталып, эскирип калганын билдирет", — деди Сатыбалдиева.
Ал ошондой эле азык-түлүк сатып алып жатканда анын калориясына көңүл буруп коюу керектигин да кошумчалады.
Жаңылыктар түрмөгү
0
Алгач жаңыларыАлгач эскилери
loader