Мамытов: Казакстан эки ката кетирди, эми Сириядан үлгү алса болот
12:57 11.01.2022 (Жаңыртылды: 18:33 11.01.2022)
© Sputnik / Асель Сыдыкова
Жазылуу
Коомдук жана саясий ишмер, мурдагы акыйкатчы Токон Мамытов казак бийлиги эки чоң ката кетиргенинен улам өлкөдө кандуу окуялар болуп кеткенин айтты.
Казакстанда соңку учурда бийлик канчалык бир деңгээлде экиге бөлүнүп калган болчу. Экс-президенти коопсуздук жагын башкарып өзүнчө тапшырмаларды берсе, өлкө президентинин өз көз карашы болуп келди. Экинчиден, Казакстанга түрдүү жыйналыштарга барып калганда белгилүү экономист, саясатчы, окумуштуу жана башка элитасы "керек болсо басып коебуз" дегендей орой, кайдыгер көз карашты карманарын жашырышчу эмес. Албетте, бүгүнкү болуп отурган кандуу окуяга бул көрүнүштөрдүн таасири бар. Мындай пикирин Токон Мамытов Sputnik Кыргызстан радиосунда маек куруп жатып билдирди.
Мамытов: Казакстан эки ката кетирди, эми Сириядан үлгү алса болот
Анын айтымында, учурда казак бийлиги Сирия мамлекетинен үлгү алса болот.
"Абал мындан ары да курчуп кетпеши үчүн казак бийлиги баарын эле террорчу дей бербей, чыныгы террорчуларды бөлүп кароого үйрөнүшү керек. Мисалы, жөн эле өтүп баратып кошулуп калган жай тургун бар, иштери менен барган башка өлкөнүн жарандары бар, биздин музыкант сыяктуу, эптеп талоон болсо бирдеме алып калайын, саясатың менен ишим жок дегени бар, элге бүлүк салган бандити бар, анан балким ошол чыныгы террорчулары бардыр. Мунун баарын туура аныктап, маалыматты туура таратуу азыр абдан зарыл. Бул жагынан Сириядан үлгү алышса болот. Аларга 30 мамлекеттин жарандары келген, бирок сириялыктар так тигил өлкөнүн жараны экен деп саясат жасаган жок. Ким террорчу, ким террорчу эмес деп гана маалымат берип жатышты. Ал эми Казакстан менен чек арабыз бар, ЖККУ, ЕАЭБ сыяктуу уюмдарга кирген, өлкөлөр ичинде жарандарыбыз эркин жүргөн мамлекеттербиз. Анан бөрк ал десе баш алып, тиешелүү органдары бүгүн кыргызстандыкты кармап барып террорчу деп отчет берсе, эртең башка өлкөнүн жаранын кармап барып ушинтип отчет беришеби", — деди Мамытов.
Ал бийлик табиятында 5-6 жылда жаңыланып турууга муктаж институт экенин кошумчалады.
