Радиостудия Sputnik Кыргызстан в Бишкеке - Sputnik Кыргызстан, 1920
Радио

Жумаканова: 10 вирусологиялык лаборатория 15-январда ишке берилет

© Sputnik / Асель СыдыковаНачальник Центра лабораторных испытаний Госсанэпиднадзора Айгуль Жумаканова
Начальник Центра лабораторных испытаний Госсанэпиднадзора Айгуль Жумаканова - Sputnik Кыргызстан, 1920, 09.12.2021
Жазылуу
Санитардык-эпидемиологиялык департаментинин сыноочу лабораториялык борборунун жетекчиси Айгүл Жумаканова жаңы лабораториялар эл аралык стандартка жана техникалык спецификациясы биологиялык коопсуздукка жооп берерин айтты.
Кыргызстанда курулуп жаткан 10 вирусологиялык лаборатория 15-январда ишке берилет. Бул тууралуу Айгүл Жумаканова Sputnik Кыргызстан радиосунун эфиринде маек куруп жатып билдирди.
Жумаканова: 10 вирусологиялык лаборатория 15-январда ишке берилет
Анын айтымында, жаңы лабораторияларга амплификаторлор, ламинардык, ПЦР бокс, лабораториялык шейкер жана центрифуга жабдыктары банк тарабынан алып берилет.
"Ислам өнүктүрүү банкынын долбоорунун алкагында 10 вирусологиялык лаборатория Ысык-Ата, Сокулук, Жайыл райондорунда, Талас, Ноокат, Ноокен жана Каракол, Жалал-Абад, Баткен шаарларында курулууда. Лабораториялар чек араларга жакын, элдин агымы көп аймактарда салынып жатат. Коронавирус илдетине чейин вирусологиялык лабораториялар ченелүү эле болгон. Буга чейин анализдер Чүй облусунда, Бишкекте, Ош жана Ысык-Көл облустарына жеткирилип жаткан болсо, жаңы курулуп жаткан лабораторияларда коронавирустан башка да жугуштуу ооруларды аныктоого мүмкүнчүлүк болот. Аталган долбоор ар бир лабораторияга эмерек, жабдыктарын толук алып берет", — деди Жумаканова.
Ал жаңы лабораторияларда иштей турган медицина кызматкерлерин окутуу, билимин жогорулатуу маселеси каралып жатканын, Саламаттык сактоо жана Финансы министрлигине жаңы штат даярдоо боюнча кат жөнөтүлгөнүн кошумчалады.
Жаңылыктар түрмөгү
0