Мэрия конуштардагы жер участокторуна техникалык паспорт берет. Шарты

© Sputnik / Акылбек БатырбековПроблема смога в Бишкеке
Проблема смога в Бишкеке - Sputnik Кыргызстан, 1920, 07.12.2021
Жазылуу
Муниципалитет бул документ жерди мыйзамдаштыруу көйгөйүн чечүүдөгү алгачкы этаптардын бири экенин эскертти.
БИШКЕК, 7-дек. — Sputnik. Конуштардагы жер тилкелерди документ менен шайкеш келтирүү үчүн 7-декабрдан тарта мобилдик топ ишин баштайт. Бул тууралуу Бишкек мэриясы билдирди.
Маалыматка караганда, көчмө топ алгач изилдөө жүргүзүп, андан соң үйлөр салынып калган жер участокторуна техникалык паспорт даярдалат.
Мобилдик топтун ишинин убакыт-сааты meria.kg сайтына жарыяланат.
"Техникалык паспорт жерди мыйзамдаштырып алууга укук бербейт. Анда болгону кыймылсыз мүлк боюнча техникалык маалымат топтолот. Бул документ жерди мыйзамдаштыруу көйгөйүн чечүүдөгү алгачкы этаптардын бири", — деп айтылат маалыматта.
Кыймылсыз мүлккө алгачкы изилдөө жүргүзүү боюнча кайрылуу үчүн документтердин тизмеси:
  • жарандын өздүгүн тастыктоочу күбөлүк (ID карта, түп нускасы жана көчүрмөсү);
  • кварталдык комитеттин төрагасы тарабынан күбөлөндүрүлгөн чектеш кошуналардан алынган тил каттар;
  • жашагандыгы жөнүндө жана үй-бүлөдөгү адамдардын саны боюнча кварталдык комитеттин төрагасы тарабынан же МТУнун төрагасы тарабынан күбөлөндүрүлгөн маалым кат.
Жаңылыктар түрмөгү
0
Алгач жаңыларыАлгач эскилери
loader