Кара-Кечеде көмүр эмнеге берилбей жатат? "Кыргыз көмүрдүн" жообу

© Sputnik / Табылды КадырбековКара-Кече көмүр кениндеги айдоочулар. Архив
Кара-Кече көмүр кениндеги айдоочулар. Архив - Sputnik Кыргызстан, 1920, 06.12.2021
Жазылуу
Буга чейин социалдык тармакка Кара-Кече көмүр кенине чогулган айдоочулардын видеосу жарыяланган. Алар көмүр берилбей жатканына нааразы болуп, ызы-чуу кылып жатышканын айткан.
БИШКЕК, 6-дек. — Sputnik. "Кыргыз көмүр" ишканасынын маалымат кызматы Sputnik Кыргызстан агенттигине эмне себептен Кара-Кечеде айдоочуларга көмүр берилбей жатканын түшүндүрдү.
Белгилей кетсек, буга чейин социалдык тармакка Кара-Кече көмүр кенине чогулган айдоочулардын видеосу жарыяланган. Алар көмүр берилбей жатканына нааразы болуп, ызы-чуу кылып жатышканын айткан.
"Кыргыз көмүр" мамлекеттик ишканасынын маалымат катчысы Жийде Зоотбекова көмүрдү өздөрү ташып саткан менчик айдоочуларга берилчү жерде тазалоо иштери болуп жатканын айтты.
"Көмүр казылгандан кийин жолдо майда көмүрлөр топтолуп, транспорттун жүрүшүнө тоскоолдук жаратат. Учурда ошолорду тазалоо иштери жүрүп жатат. Мындай жумуш дайыма жасалат, аны айдоочулар жакшы билет. Тазалоо иштери бир жумага созулат. Андан кийин көмүр бериле баштайт", — деди Зоотбекова.
Ал ТЭЦке жагыла турган жана 3 000 сомдук арзан көмүр чыгып жатканын кошумчалады.
Таш көмүр. Архив - Sputnik Кыргызстан, 1920, 05.12.2021
Арзан сатылат. Бишкекке Кара-Кечеден вагон менен 1 200 тонна көмүр келди
"Бизде көмүр ТЭЦке, калкка жана жеке ишкерлерге болуп үч коридор менен чыгат. Азыр ошонун жеке ишкерлерге берилчү коридорунда тазалоо иштери жүрүүдө. Ал эми ТЭЦке жагыла турган жана мамлекет уюштурган арзан көмүрлөр кетип жатат", — деди ал.
Эске салсак, буга чейин президент Садыр Жапаров Кара-Кече көмүрү 3 000 сомдон сатыларын убадалап, көмүр ушул баа менен алып келине баштаган. Сатуучулар арзан көмүр алууну каалагандар 10 күн эрте кезекке туруп, тизмеге жазылышы керектигин эскертишкен.
Жаңылыктар түрмөгү
0
Алгач жаңыларыАлгач эскилери
loader