"Газпром" Молдованын өтүнүчүн аткарып карыз мөөнөтүн узартты

© Sputnik / Егор Еремов / Медиабанкка өтүү"Газпром" газ бөлүштүрүүчү станциясынын кызматкери. Архив
Газпром газ бөлүштүрүүчү станциясынын кызматкери. Архив - Sputnik Кыргызстан, 1920, 24.11.2021
Жазылуу
Молдованын өкмөтү "Газпромго" бүгүндөн тарта газ берүүнү токтотпоону суранып кайрылганы кабарланды.
БИШКЕК, 24-ноя. — Sputnik. "Газпром" мунасага келип, Молдованын көгүлтүр отту бүгүндөн тарта токтотпоо боюнча суранычын аткарууга макул болду. Бул туурасында РИА Новости "Газпромдын" өкүлү Сергей Куприяновго шилтеме кылып билдирди.
"Молдованын өкмөтү "Газпромго" бүгүндөн тарта газ берүүнү токтотпоону суранып кайрылды. Муну менен бирге эле аталган тарап "Газпромдун" аракеттеринин мыйзамдуу экендигин мойнуна алып, быйылкы карыздарын 26-ноябрга чейин төлөп берүүгө милдеттенме алган. "Газпром" Молдова жарандары кыйын абалда каларын эске алып, кырдаалга түшүнүүчүлүк менен карап, узартууга макул болду", — деген Куприянов.
Ал "Газпром" Молдова тараптын келерки жылга каралган келишимдеги милдеттенмелерин аткарарына жана быйылкы карыздарын айтылган мезгилде төгөрүнө ишеним артканын айткан.
Молдова бийлиги 22-октябрь - 20-ноябрь арасында көгүлтүр отту берүү боюнча макулдашуу аягына чыккандыктан, энергетика жаатында өзгөчө абал жарыялаган. Аны узартуудагы көйгөй Кишиневдун аталган компанияга болгон карыздарынан улам жаралган. Анткен менен 29-октябрда беш жылдык жаңы келишимди "Молдовагаздын" карыздарына 2022-жылы аудит жүргүзүү шарты менен түзүшкөн. Ал туумдарды эске алганда беш жылда төлөнөрү пландалган.
Санкт-Петербургдагы Газпромдун кеңсеси - Sputnik Кыргызстан, 1920, 23.11.2021
Карыз... "Газпром" Молдовага 48 сааттан кийин газ берүүнү токтотушу мүмкүн
Дүйшөмбү күнү "Газпром" эгерде 22-ноябрда газды колдонгону үчүн чогулган карыздарды 48 саатта төлөбөсө, Молдовага көгүлтүр от берүүнү токтоторун эскерткен. "Молдовагаздын" башчысы Вадим Чебан өкмөткө кайрылып карызды жабуу үчүн 74 миллион доллар каражат бөлүүнү сураганын кабарлаган.
Вице-премьер Андрей Спыну айтылган каражат бөлүнөрүн, бирок ал үчүн Кишиневго көбүрөөк убакыт зарылдыгын, себеби чечимди парламент колдоп бериши керектигин айткан.
Анткен менен кечээ Спыну абалды "Газпром" жетекчиси Алексей Миллер менен талкуулоого үмүт артып турганын билдирген.
Куприянов мурда белгилегендей, "Газпром" Молдова менен алардын бардык шарттарына карап, бирок өткөнкү карыздарды 100 пайыз айтылган убакта төлөөнү милдеттендирген келишим түзүлгөн.
Жаңылыктар түрмөгү
0