Көп балалуу аялды опузалоо: Октябрь райондук милициясынын башчысы камалды

© Sputnik / Табылды КадырбековФуражка жана кол кишен. Архив
Фуражка жана кол кишен. Архив - Sputnik Кыргызстан, 1920, 25.10.2021
Жазылуу
Райондук милициянын жетекчиси бир катар кылмыштарга шектелүүдө. Аны менен кошо дагы эки кызматкер кармалган.
БИШКЕК, 25-окт. — Sputnik. Бишкектин Октябрь райондук ички иштер башкармалыгынын начальниги Уланбек Аалиев УКМКнын тергөө абагына киргизилди. Бул туурасында Биринчи май райондук сотунан билдиришти.
Баш коргоо чарасы 22-октябрда тандалган. Ага ылайык, райондук милициянын башчысы 21-декабрь саат 23:14кө чейин камакта болот.
Презентация пилотного проекта Патрульной службы милиции по Бишкеку - Sputnik Кыргызстан, 1920, 07.09.2021
Зордуктады деп каматам! 100 миң сом талап кылды делип милиционер кармалды
Башкы прокуратура 21-октябрда Аалиев менен кошо райондук тергөө кызматынын мурдагы орун басары Талгат Куватбеков жана тергөөчү Айсулуу Рамазан кызы кармалганын билдирген. Алар А.Т. аттуу аялды камакка алуу шылтоосу менен моралдык жана психологиялык кысым көрсөтүшкөн. Көп балалуу, жалгыз бой эне болгондугуна карабай себеби жок Ички иштер башкармалыгына чакыртып, опузалап ири өлчөмдө пара талап кылышкан деп айыпталган.
Бул иш боюнча Жазык кодексинин 143-беренеси ("Кыйноолор"), 320-беренесинин 2-бөлүмү ("Кызмат абалынан кыянаттык менен пайдалануу") жана 326-беренесинин 2-бөлүмү ("Опузалап пара алуу") боюнча сотко чейинки өндүрүш иштери башталган.
Буга чейин Октябрь райондук милициясы А.Т. аттуу аял жарандарды 904 миң 750 долларга алдап кетүүгө шектелип жатканын билдирген.
Жаңылыктар түрмөгү
0