БИШКЕК, 1-сен. — Sputnik. Мексиканын Матаморос шаарында өткөн кесипкөй бокс мелдешинде мушташкан оор салмактагы мушкерлер рингди бузуп, жерге кулап түшүштү. Бул тууралуу Eurosport маалымат булагы жазып, окуянын видеосун чыгарды.
Бул учур оор салмактагы спортчулар Алехандро де ла Торре менен Эрик Молинанын таймашында болгон. Молина байкатпай арканга (канат) жөлөнгөндө ага атаандашы чабуул жасап, салмагын салып сүргөн. Бул учурда эки алпты рингдин таянычы көтөрө албай сынып кеткен.
#ChrisSports #Box
— Christian Espinosa (@Christianeea) August 30, 2021
Y esto paso anoche en Matamoros, México cuando Alejandro de la Torre (2-11) atacaba a Eric "Little Drummer Boy" Molina (28-7) en el segundo round 😮😮🥊 pic.twitter.com/zQyGU0v1sd
Калыстар тобу жеңүүчүнү аныктабай туруп эле беттешти токтотууну чечкен. Мушкерлер 12 раунддук беттештин сегизинчисинде таймашып жаткан болчу.
Алехандро де ла Торре 13 беттешке чыгып, эки гана жолу жеңген. Ал эми анын атаандашы Эрик Молина 35 беттештин 27син уткан. Ал карьерасында оор салмакта WBC жана IBF түрлөрү боюнча титулга талапкер да болгон.
